سەرۆک هەرێم کوردستان پیروزبایی جەژن نەورۆز لەکورد و عێراقیەیل کەێد
شەفەق نیوز/ سەرۆک هەرێم کوردستان عراق نێچیرڤان بارزانی، رووژ یەکشەممە، وەبوونەی جەژن نەورۆز و سەر ساڵ پیروزبایی لە ملەت کورد و گشت پێکهاتەیل کوردستان کرد.
سه‌رۆک هه‌رێم كوردستان له بەیاننامیگ وەبوونەی جه‌ژن نه‌وروز، راگەیان، "جه‌ژن نه‌ورۆز و سه‌ر ساڵ نوو كوردى، فرە وە گەرمی و له دڵه‌و له خانه‌واده‌ى سەربەرز شه‌هیدەیل، و له ملەت كورد و ته‌واو ملەتەیل و پێکهاتەیل و پێشمه‌رگه قاره‌مانه‌یل كوردستان پیروز کەم، هیوا خوازم گشتی وەگەرد دوسەیل و ئازیزەیلیان جه‌ژنیگ خوەش له ئارام و سه‌قامگیری وەسەر بوەن".
نێچیرڤان بارزانى ئۊشێد، "داوا له هاوڵاتیەیل ئازیز کەم له مەوقەی دەرچگن و گه‌شت و سه‌یران ناو سروشت رەنگین كوردستان، تا ئه‌وپه‌ڕ، پابه‌ن مقیەتیکردن پاكوپرچی و پاراستن ژینگه‌ى دڵڕفن و به‌هاریى وڵات بوون، ئاگادار خوەیان بوون و ڕه‌چاو مقەیەتیکردن و ڕێنماییى ته‌ندروسى بكه‌ن".
له بەیاننامەگە هاتییە، "نه‌ورۆز جه‌ژن ئازادی و گیان رۊیوەرۊبۊن و باوەر داشتن وەخوەدە، ساڵ نوو و نووبۊنەوەس، لەبان ئاست تاک و كه‌سى، بیلا هووکار گاڵداین نووبۊنەوەی هۊرمان و ڕامان گشتی بوود و بکەێنی دەسپێک و سه‌ره‌تای نوویگ ئەرا ژیان و په‌یوه‌ندییه‌یلمان، ئەرا ئاشته‌وایى و ئومێد و گه‌شبینى و ئەرا چۆنیه‌تیى مامه‌ڵه‌كردنمان وەگەرد پیشهات و ڕووداوه‌یل دەوروگەردمان.
بارزانی وتیش، لەبان ئاست گشتی، له گشت مەوقەیگ زیاتر ئه‌رک هێز و لایه‌نه سیاسییه‌یل و پێكهاته‌یل كوردستانه وەگشتی، یه‌كڕز و ته‌با بۊمن و وە هاوبه‌شى وەگەرد.یەک كار بكه‌ن ئەرا ئەوەگ گشتمان وە یه‌كگرتگی رۊیوەرۊ سه‌ختی ونواگرەیل بوەسیمن و سه‌ركه‌فتی رەدیان بکەیمن".
مقەیەتیکردن ماف و ده‌ستكه‌فتەیل و قه‌واره‌ى ده‌ستورى و سیاسى و فیدڕاڵیى هه‌رێم كوردستان، چۊن به‌رهه‌م کووشانکردن گشت كوردستانیەیلە، وەیجۊرەیش وەرپرسیارەتی هاوبه‌ش گشتمانە ئەرا ئەوەگ وەگەردیەک وەرەو ئایندەیگ خاستر و رووشناتر و دڵنیا گام بنەیمن.
ئۊشێد، "هه‌رێم جۊر هه‌میشه ئاماده‌س گشت گرفت و ناكۆكییه‌یل وەگەرد حكومه‌ت فیدڕاڵ عراق وه گفتوگو و لەبان بنه‌ماى ده‌ستور چاره‌سه‌ر بکەێد، جۊر هه‌میشه فاكته‌ر چاره‌سه‌ر ئەرا گرفتەیل عراق".
لە کۆتایی بەیاننامەگەی وت، "له كوردستان وەخشین، یه‌كترقبوڵكردن و وەگەردیەک ژیان، ڕێز و ئاشتی نه‌وروز و بووندار وەهاری، ئەرا ملەتەیل عراق و ناوچه‌گه، جەهان و دووسەیل كوردستان له هه‌ر شۊنیگ بون، لەهەمان وەخت ئەرا UN کلکەێد ک جه‌ژن نه‌ورۆز كرده رووژیگ ناودەوڵەتی و وەگەرد گشتی وەخاتر ئارامى و سه‌قامگیری و ئاشتی كار کەێمن".
