سەرۆک کۆمار عراق: بایەسە بەغدا و کوردستان وەیەکەو هاوکاری بکەن و هەڵوژارن هەرێم وەڕیەو بچوود
رەشید لە ناو کۆنگرەیگ رووژنامەوانی، وە ئامادەبوین ئاژانس شەفەق نیوز، راگەیان: "کیچەڵ مووچە خاسترەو بویە و گامیگ هەس ئەرا پتەوکردن پەیوەندییەیل ناوەین هەرێم و بەغدا".
وتیش: ئومید خوازیمن پەیوەندییەیل زیاتر وەرەو نوا بچن، و هاوکاری ناوەین بەغدا و هەرێم بوود ئەرا چارەسەرکردن ئەو کێشەیلە کە لەی ماوەی دویاییە رویدانە، و ئەوانیش وەیەکەو کاربکەن.
لەباوەت هەڵوژاردن پەرلەمان هەرێم کوردستان، سەرۆک کۆمار وت: هەڵوژاردن گرنگە و بایەسە وەڕیەو بچوود”.
نێچیروان بارزانی، سەرۆک هەرێمی کوردستان، رووژ شەممەی گوزەشتە سەردان بەغدای پایتەخت کرد و بەشداری هەردوگ گردەوبوین چوارچیوەی هەماهەنگیی لایەنە شیعەیل و گردەوبوین ئاسایی هاوپەیمان ئیدارەی دەوڵەتی کرد، کە تا وەخت دیریگ لە شەو وەردەوام بوی.
لەی سەردانە نێچیروان بارزانی چەن باوەتیگ تاوتوێ کرد و رووشنایی خستە بان پەیوەندییەیل بانان ناوەین هەرێم و بەغدا وەتایبەتی دویای چارەسەرکردن پرس مووچە، جویر پرسیگ بنەڕەتی ئەرا هەرێم کوردستان.
