پسپۆرەیل: هاز زەویلەرزەگەی مەغریب وەگورەی نزیکەیی 30 بۆمب ئەتۆمیە
شەفەق نیوز/ ماموسای جیوجوگرافی و مەترسیەیل کەشوهەوا لە زانکۆی کۆڵیج لەندەن لە بەریتانیا ئاشکەرایکرد، هاز ئەو زەویلەرزە لە مەغریب رویدا یەکسانە وە هاز 30 بۆمب ئەتۆمی کە لەساڵ 1945 لەبان شار هیرۆشیما خریارەخوار.
لە وتاریگ روژنامەی " سەندەی تایمز" بڵاویکردیە بێڵ ماکگوایر دیاری کەێد، زەویلەرزەگەی ئەغادیر 1960 هاتی وە ناوبانگترین بوود کە 15000 کەس لە باشوور وڵاتەگە کوشت،باوجی زەویلەرزەیگتر لە ساڵ 2004 رویدا کە سەنتەرەگەی کنارا بکور بوی، بویە هووکار مردن زیاتر لە 600 کەس.
وەگەرد یەیش، هویچ کام لەی دوو رویداوە وەقەدەر هاز ئەو زەویلەرزە نەوین کە شەو جومعە وە تونی 6.8 پلە دا لە ناوچەیگ لە دویری 40 میل لە باشوور خوەرئاوای مەراکش ، هەمان بڕ وزە دەرکد کە 30 بۆمب ئەتۆمی لە هیرۆشیما تەقی.
هەمیش بەدر سەفراوی مامووسای جیولۆجی لە زانکۆی مەولای ئسماعیل شارەزا لە چینەگان زەوی وت: " وەڕاسی ئەو وزەیە لە زەویلەرزەگەی حوز دەرچی، تونیەگەی رەسیە 7 پلە لەبان پەیمانەی رێختەر، کە یەکسانە وە هاز تەقیان 32 بۆمب ئەتۆمی کە دریا لە شار هیرۆشیما لە جەنگ جەهانی دویەم".
