سەرکردەیل هەرێم کوردستان ساڵیاد شۆڕش گوڵان کەن
شەفەق نیوز/ سەرکردەیل هەرێم کوردستان، ئمڕوو چوارشەممە، بەیاننامەیگ وەبۆنی ٤٥مین ساڵیاد شۆڕش گوڵان کردن، ک لە هەفتاکان سەدەی گوزەیشتە دژوە رژیم بەعس وەرین، دویای شکست شۆڕش ئەیلوول هەڵسیا.
مەسعود بارزانی سەرکردەی کورد لە بەیاننامەیگ وەی بۆنە وت: شۆڕش گوڵان ئەزموونیگ دەوڵەمەن بوی ئەرا خۆڕاگری و دووارە رێککردن رزەیل و هەڵسان ئەرا گەل کوردستان، ک لە رەوشەیل دویای شکستەگە و لە ئاوارەیی و جووراجور جەختەیل لە دوژمنەیل گەل کوردستان توانای تەقانن شۆڕش گوڵان وەگورەی بەرنامەی توکمەیگ بتەویگ و وەباوەڕی قایمیگ بوی.
هەمیش وت: وەو جوورەگ شۆڕش گوڵان ئەو پەیامە بوی ک ئەرا گشت خوسەهات و دوژمنەیل گەل کوردستان ئاڕاستە کریا، ك دووپات کرد هەرچەن پیلان و هەڕەشەیل و هێز دوژمنەیل و جووراجور سەختیەیل هەس، ک گەل کوردستان خاوەن توانای خەبات ئەرا نواگردن ستەمە، و خاوەن توانای رەسانن خەبات و رەنجەگەی ئەرا مەیدان راستەقینەی خوەیە، ک خوەی خاک کوردستان پیرووزە.
بارزانی نشان دا ک لە چل و پەنجەمین ساڵیاد شۆڕش گوڵان، سڵاو لە گیان پاک شەهیدەیل شۆڕش گوڵان کەیمن، و گشت شەهیدەیل کورد و کوردستان، و دووپات کەیمن ک ئازادیەیل و دەسکەفتەیل گەل کوردستان لە خاسی خوین و قوربانیەیل شەهیدەیلمان هاتنە، و هەمیش باس لە رێز و سوپاسم ئەرا خەبات و تەقەلای رەنجدەرە ئازایل کەم ک بوینە جی شانازی گەلەگەیان وە قوربانییان و ئەنجامدان دەورەیل شەرفداریان لە خەبات پێشمەرگایەتی وکار حزبی و خەبات نهێنی لەناو شارەیل و لەوەخت ئاوارەیی.
لەلای خوەییش نێچیروان بارزانی سەرۆک هەرێم کوردستان جیگر سەرۆک پارت دیموکرات کوردستان لەبەیانامەیگ وەی بۆنە وت: ئمڕوو ئاهەنگ ساڵیاد چل وپەنجەم شۆڕش گوڵان کەیمن، ک خوەی دریژەیگ ئەرا شۆڕش ئەیلوول مەزن وە سەرکردایەتی بارزانی نەمر بوی و هەسی مێژووی و جیوەجیکردن خوازین و ئومیدەیل گەل کوردستان بوی.
وتیش؛ شۆڕش گوڵان شۆڕش هەڵسان و وەرخودان و ئازادی و دەنگ فراوانی بزووتنەوەی کوردی کەل کوردستان بوی، ک لەلیەو دروسکردن بەرەی یەکڕزیگ ئەرا گشت لایەن کوردستانیەیل وەسەرکەفتن راپەڕین ١٩٩١.
سەرۆک هەرێم وتیش: بیلا ئی بۆنە بوودە هاندەریگ ئەرا پێکەوەژیان و یەک قبوڵکردن، و چەوەڕی لە گشت کادر و ئەندامەیل و پشتگیرە وەفادارەیل ئەرا پارت دیموکرات کوردستان کەم، جوێ هەمیشە، رکدار و دڵسوز و گورج بوون لەی باوەتە، تا وەدەسهاوردن گشت ماف و خوازینەیل گەل کوردستان.
لەلای خوەییش، مەسرور بارزانی سەرۆک حکومەت هەرێم کوردستان لە بەیاننامەیگ وت: وەبۆنی چل و پەنجەمین ساڵیاد شۆڕش گوڵان پێشکەفتنی، گەرمترین پیرووزبایی ئاڕاستەی گەل کوردستان و سەرۆک بارزانی و سەرکردایەتی پارت دیموکرات کوردستان و هێزەیل پاڵەوان پێشمەرگە، وەهەستەیل پڕ رێز و سوپاس سڵاو لە هەرک بەشدار بویە لەی دەرچگن بڵاچەی ئی شۆڕش پیرووزە کەک، وەتایبەت سەرکردەی شەهید ئیدریس بارزانی و شەهدەیل و گشت خەباتکارەیل وگشت بەشدارەیل لە شۆڕش نەمر گوڵان.
وتیش: شۆڕش گوڵان ک دریژەیگ بوی ئەرا شۆڕش مەزن ئەیلوول، تاریکی بی ئومیدی لاورد، و وەردەوام لەو خەباتە بوی ک گەل کوردستان پەسەنی کرد، وەخاتر وەدەسهاوردن مافەیل شەرعی خوەی وە رک و ئاز سەختیگ.
سەرۆک حکومەت هەرێم هەمیش وت: لە ساڵیاد شۆڕش گوڵان، دووپات لەبان کار راسی وەخاتر پشتگردن وەیەکڕزی لەناونی پێکهاتەیل کەل کوردستان کەیمن، و بنەمایل خانەدانی و هاوکاری لەلی وەرگریمن ک هێز و حزبەیل کوردستانی وە دامەزرانن بەرەی کوردستانی بەرجەستەی کردن، تا مەشخەڵ راپەڕین ئادار ١٩٩١ دەرچوود، ئەو راپەڕین پڕ خەیرە ک زەمینەسازی ئەرا سەرکەفتنی لە دویارووژیگ رووشنتر کرد ک گەل کوردستان وە بەرەی شۆڕش شۆڕش گوڵان لە دەسکەفتەیل پیرووزیگ وەخوەی دی
