زەڕنگەرەیل هەرێم کوردستان وەفەرمی داوا لە حکومەت کەن ئه‌را دامەزرانن ژووریگ
شەفەق نیوز/ سه‌ندیکای زەڕنگەرەیل لە هەرێم کوردستان، ئمڕوو شەممە، داواکاری فەرمی خستە وەردەس حکومەت هەرێم ئەرا دامەزرانن ژووریگ ئەرا ئاڵتوین وەشیوەی ژوور بازرگانی و پیشەسازی لە کوردستان. هندرین ورتی قسەکەر وەناو ساندیکاگە ئەرا ئاژانس شەفەق نیوز وت: هەرێم کوردستان دەوڵەتیگ ئەرا خوەی نیە، ئەراوە نێەتوێنێد دامەزراویگ ئەرا ئاڵتوین دروس بکەێد جوور ئەو وڵاتەیل جهان، بەڵکم توێنیمن ژووریگ ئەرا ئاڵتوین دروس بکەێمن، و دیاری کرد ؛ ساندیکاگە ئەرا ئەو باوەتە کار کەێد، و کۆبونەوەیل تایبەت ئەنجام دریا وەل لایەنە پەیوەندی دارەگان، و چەوەڕی رەزامەنی حکومەت هەرێم کەیمن. وتیش ئەگەر ژوورەگە دامەزریا دەور گرنگیگ دوینید له پاڵپشتی ئابووری و نواگردن قەیرانەگان، و هەڵگردن پشتدەسە لە ئاڵتوین، سود ئابووری گەورایگ ئەنجام دەێد، و ئاماژەدا؛ چوونکە ژووریگ ئەرا زەڕنگەرەیل نیە، هەرێم هیچ پشتدەسەیگ لە ئاڵتوین نەیرێد.
