پزیشکیگ لە هەرێم کوردستان پاتێنت لە بوار پزیشکی دگان وەدەس تیەرێد
دکتۆر ئیحسان مەنسور ئەرا ئاژانس شەفەق نیوز وت: "ئی چارەسەرە کۆنتڕۆڵ هەوکردن پەلەیل ناوکی و ریگری لە رویدانی کەێد وە رییگ تەکنیکی هەسکردن وە کۆرۆم، کە بەشدارە لە وەهازکردن سیستەم وەرگری ئایەم، و ئەگەر زیایچگن لە وەکارهاوردن دەرمان دژە هەوکردن کەمەو کەێد".
وتیش: "ئی داهینان نووە شۆڕشیگ لە جەهان پزیشکی کەێد، ک وەگەرد بڕیگ پزیشک لە هەرێم کوردستان لە ماوەی چوار ساڵ (2019-2023) کار لەلی کردنە".
مەنسور هەمیش وت: "ئی چارەسەر نووە، لەلایەن وەزارەت پلاندانان- دەزگای ناوەندی ئەرا ستانداردکردن و کۆنترۆڵکردن جویری پاتێنت کریاگە کە جویر دانناین حکومەتیە ک جویر چارەسەریگ نوو و چوپنایەتی و پەسەن کریاگە".
دکتۆر ئیحسان مەنسور خاوەن دکتۆراس لەبوار چارەسەری دگان و سەنتەر دهۆک سمایڵ لە پارێزگای دهۆک لە هەرێم کوردستان وەڕیەو بەێد.
د.ئیحسان مەنسور لەداڵگبوی ساڵ 1983 و لە بەش تەندروسی پارێزگای دهۆک کار کەێد و جویر مامووستای زانکۆ لە زانکۆی دهۆک و زانکۆی پۆلیتەکنیکی کار کردیە، مامووستایگ باوەڕپیکریای ناودەوڵەتییە لە بوار پڕەوکردن ریشەی دگان و خولیگ راهێنان ئەرا پزیشکەیل دگان لە فرەی شارەیل عراق و دیشت وڵات دانایە.
