زەخمداری ئەندامەیلیگ پێشمەرگە وە رووداویگ لە هەرێم کوردستان
2021-11-06T11:25:34+00:00
شەفەق نيوز/ پەنج کەس ئمڕوو شەممە، وە رووداویگ هاتوچوو لە ئیدارەی ناوچەی گەرمیان لە هەرێم کوردستان زەخمدار بۊین.
وەگورەی زانیارەیلە، گشت زەخمدارەیلە لە هێزەیل پێشمەرگە بۊین، و دووانیان زەخمەیلیان سەختە. وەڕیەوبەرایەتی هاتوچوو ناوچەگە لە بەیاننامەیگ وت؛ ماشینیگ مارکەی نیسان پیک ئاب نیمەڕو ئمڕوو، لەبان ری سەنگاو- کفری لە نزیک ئاوای کانی عوبێد قەڵبەو بۊی.
وتیش: رووداوەگە بۊیە هووکار زەخمداری پەنج کەس دووانیان سەختە،وتیش؛ زەخمدارەیلە ئەرا خەسەخانەی کفری بریان.
