پەرلەمانتاریگ لە هەرێم کوردستان ئویشێد تەقەلای کوشتم دریاگە
هاوڕێ مەڵا ستار لە کۆنگرەیگ رووژنامەوانی ئاژانس شەفەق نیوز ئامادەی بوی وت: دویەکە ئەندامەیل پاسەوانییم لە کۆمەڵگەی (دایک) لە سلێمانی کەفتنە وەر پەلامار و بویە هوکار زەخمداری دووان لە پاسەوانەیل، یەکیگیان زەخمەگەی سەختە.
وتیش: ئەو پەلامارە وەلایەن ئیدارەی کۆمەڵگەگە پلانی دانریاگە، و خوازینە من بکوشن، هەنای چگنە ناو شوینەگە لە دوو لاوە تەقە لەلیان کریا، و مەزەنە کەیمن یەکەم لاگە لایەنیگ دەسەڵاتدارە و دویەمەگە لایەن ئیدارەی کۆمەڵگەگە بویە.
هاوڕێ وتیش: کەسەیلیگ لە پاسەوانی کۆمەڵگەگە چەوری کردنە لەماڵەگە باێدە دەیشت تا تەقە لەلی بکەن، وتیش: هیزەیل ئاسایش هەفتە لە پاسەوانەیل کۆمەڵگەگە دەسگیر کردن ک لەناو ئاودەس و حەمامەیل خوەیان شاردوینەو، و چەک وەپیان بویە.
لەباوەت هوکارەیل ئامانجکردنی پەرلەمانتارەگە وت: نیەزانم ئەڕا چە، وەلێ وەڕیەوبەرایەتی کۆمەڵگەگە ئویشێد گوایە من داوای ئەرزانکردن نرخ شوقەگەی خوەم لەلایان کردمە، و یەیش راس نییە، و دیاری کرد ک خوەی لە ماوەی گوزەشتە کەفتیەسە وەر چزداین ئەلیکترۆنی.
وتیش: فرە لە بەرهەمهاورەیل لە سلێمانی و لە گەرمیان و هەولێر و دهۆکیش دەسیان چوود.
دویەکە یەکشەممە، سەرچەوەیگ تەندروسی زەخمداری دوو هاووڵاتی لەناو کۆمەڵگەیگ نیشتەجیبوین زەخمدار بوین، لە ئەنجام مرافەیگ چەکدار لەناوڕاس سلێمانی.
