پەرلەمان کوردستان راگەینێد رەوانەکردن شاندیگ وەرەو بەغداد ئەرا باوەت بوودجە
شەفەق نیوز/ هێمن هەورامی جیگر سەرۆک پەرلەمان کوردستان، ئمڕوو دووشەممە، راگەیان رویکردن شاندیگ پەرلەمانی وەرەو بەغداد پایتەخت ئەرا باسکردن لە بەش هەرێم کوردستان لە بوجەی عراق.
هەورامی لە قسەیگی ئەرا ڕۆژنامەنووسەگان لەلیان پەیامنێر ئاژانس شەفەق نیوز بوی وت: سەردانەگە بڕیار دریاگە لە هەفتەی ئایندە بوود، و گشت پێکھاتەگان هاناو شاندەگە ئەرا کۆبونە وەگەرد ئەنجومەن نۆێنەران عراق.
و دیاریکرد ک سەردانەگە ئەرا پشتگیریکردن تەقەلایل شاندە حکومەتیە کوردەگە تیەێد ک ئەرا ئی باوەتە سەردان بەغداد کرد.
هەورامی لە خود وەختەگە دووپاتکرد ک قەیران قویلیگ هەس لەناو ماڵە شیعەگە ک پێشبینە بوونە گرفتەیلیگ ئەرا موستەفا کازمی سەرۆک وەزیران، و هەمیش شایەت ئەو قەیرانە ریگری لە پڕۆژەی بوودجەی فیدڕاڵی بکەێد.
هەورامی وتیش: وەگەرد یەیش، لە گفتوگۆکردن وەگەرد بەغداد ئەرا رەسین وە رێککەفتنیگ لەباوەت یاسای بوودجەگە زیاتر لە نوامان نییە.
دەربارەی دانیشتنەگان پەرلەمان، هەورامی وت: چەوەڕی کەیمن کۆبونەوەیل حکومەت عراق لەباوەت بوودجەگە بڕەسێدە ئەنجامیگ، و چوون وەگەرد شاند هونەری کوردی لە سەردانەگەی ئەرا بەغداد رەفتار کریەێد، دویای ئەوە پەرلەمان کوردستان دانیشتنیگ کەێد، و مەزەنە کەم ک لە دویای سەردان شاند پەرلەمان ئەرا بەغداد بوود.
