ئیران وسیان مەرجدار لە ئۆپراسیۆنەیل سەربازیی لە هەرێم کوردستان راگەینێد
شەفەق نیوز/ هیزەیل سوپای پاسدران ئیران، ئمڕوو یەکشەممە، وسیان ئۆپراسیۆنەیل سەربازیی لەبان حزبەیل کورد ئۆپۆزسیۆن لەناو هەرێم کوردستان راگەیان، دووپات کرد ک ئەوەسا وەردەوام بوود لەو هوچانە وە مەرجیگ نوای چالاکیەیل "حزبەیل دابڕیان" دژوە تەهران بگریەێد.
میدیایل راگەیانن نزیک لە سوپای پاسدران ئیران لە بەیاننامەیگ رەسیە ئاژانس شەفەق نیوز وت: پەلامارەیل هیزەیل سوپای پاسدران لەبان حزبەیل ئۆپۆزسیۆن لە هەرێم کوردستان، شەوەکی ئمڕوو، وسیا، و نووەنەکردنی وسیەێد لەبان چونیەتی رەفتارکردن وەرپرسەیل هەرێم کوردستان.
میدیایل راگەیانن لە زوان سەرچەوەیگ ناو خوەی ئاشکرا نەکرد وتن: هوچانەگە وەردەوامە ئەگەر وەرپرسەیل هەرێم کوردستان نوای چالاکیەیل حزبەیل ئۆپۆزسیۆن گردن، وەنە هیزەیل سوپای پاسدران دووارە دەسکەێدە ئۆپراسیۆنەیلی لەبان ئی گرووپەیلە.
لەلای خوەییش، نازم دەباغ، نوینەر حکومەت هەرێم کوردستان لە تەهران ئەرا ئاژانس فەرمی "ئیرنا" وت: قونسوڵخانەی ئیرانی و سەرۆکایەتی حکومەت هەرێم کوردستان باس گرنگی چووڵکردن بارەگایل هیزەیل ئۆپۆزسیۆن کورد لە هەرێم کردن.
وتیش: ئیسە چەوەڕی جیوەجیکردن بڕیارەگە کەیمن، و هیمان باس ئەوە کەیمن ک ئەگەر بارەگایل بان سنوورەگە چووڵ کریەن، یا چنە ناو ئەو بارەگایلە ک لە سەردەم سەدام حسێن بوینە.
وتیش: ری وە هیزەیل ئۆپۆزسیۆن ئیرانی کورد نیەیمن بوونە سەرچەوەی نیگەرانی ئەرا ئیران و هەرێم کوردستان، و ئەگەر چالاکی چەکدار کردن، ریکارەیلیگ جددی وەرانوەریان بریەن.
دەباغ وتیش: دەسەی ئەمنی هاوبەش لە هەولێر و تەهران ئەرا ماوەی ٢٠ رووژ گردەو بوین، و بڕیار سەختەوکردن ئاسایش لەبان سنوورەگە دان.
دیاری کرد ک نەبایەت هیزەیلیگ چەکدار تر لە هەرێم کوردستان بوود قە شیوەی زبریگ رەفتار بکەن، و ئەوەسا حکومەت بیگومان ئیجارە بڕیاریگ جددی لەی باوەتە بەێد.
