ئەرا مقەیەتیکردن ژینگە.. گەردینیگ وە پایسکل لە هەرێم کوردستان
2022-11-17T14:34:26+00:00
شەفەق نیوز/ لەناو چالاکیەیل ڤیستواڵ ژینگە، ک لە قەزای کفری لە ئیدارەی گەرمیان لە هەرێم کوردستان وەڕیەو چوود، ئمڕوو پەنجشەممە، گەردینیگ وە پایسکل لە گەڕەک و جادەیل کفری ئەنجام دریا.
پەیامنێر ئاژانس شەفەق نيوز وت: گەردینیگ وە پایسکل، ئیوارەی ئمڕوو، لەلایەن ئامادەیی کفری ئەرا کوڕەیل وەڕیەو چگ.
وتیش: گەردینەگە لەناو چالاکیەیل ڤیستواڵەگە ئەرا مقەیەتیکردن ژینگە هاف، ک چنین دار و بەشەوکردن پۆستەر هوشیاری و ئەنجامدان کۆڕ ئەرا مقەیەتیکردن ژینگە لە ناوچەگە هاناوی.
پەیامنێر ئاژانسمان وتیش: گەردینەگە وە بەشداریکردن ٥٠ خوەنەوار لەناوڕاس شارەگە تا بەنداو کفری بوی، هەمیش لەناو شوینەیل ئاسەواری لە قەزاگە گەردین.
