ئەرا ١٣مین رووژ وەبان یەک.. سێدەکان ها ژیر گورز ئیران
شەفەق نیوز/ سەرچەوەیگ ناوخوەیی لە ناوچەی سۆران سەروەخوەیی لە هەرێم کوردستان، ئمڕوو پەنجشەممە، خەوەردا لە دووارەوبین گورز ئیران لەبان ناحیەی سێدەکان.
سەرچەوەگە ئەرا ئاژانس شەفەق نیوز وت: تووپواران ئیران ناوچەی گواراسايا وئاوای کەتینە وناوچەی ناوروبار لە ناحیەی سێدەکان کردنە ئامانج، و دیاری کرد ک گورزەگە نەویە هووکار زەخمداری کەسیگ، وەگورەی ئەو زانیارەیلە ک تا ئیرنگە رەسینە.
سەرچەوەگە وتیش: گورزەیل ئیران یە ١٣ رووژە لەبان ناحیەگە وەردەوامە.
دەزگای دژەتیرۆر لە هەرێم کوردستان، لە ٢٦ ئەیلوول گوزەشتە، راگەیان ک سوپای پاسدران ئیران پەلاماریگ مووشەکی لەبان هەرێم کوردستان وە چوار قۆناغ جیوەجی کرد، ک بویە هووکار کەفتن ١٣ شەهید و ٥٨ زەخمدار.
دویای گورزەگە، عەمید محمد باكبور فەرماندەی هیزەیل هشکایی لە سوپای پاسدران ئیران، وەشانن ٧٣ مووشەک پالیستی لەبان بنکەیل پارت ئازادی کوردستان ئۆپۆزسیۆن ئیرانی لە هەرێم کوردستان راگەیان.
