ئەرا شەشەم رووژە لەبانیەک.. وەردەوامی مانگگردن خەڵک کفری
ئەو چالاکوانە سیاسییە، شەماڵ ڕەئوف، ئەرا ئاژانس شەفەق نیوز وت: "مانگگردن خەڵک کفری زەردەوامە تا ئەو مەوقە ک داوایل رەوایان جیوەجی کیرن و دادپەروەرانە رەفتار وەگەردیان بکریەێد، هەکاتی قەزای کەلار و ئەو ناوچەیل ئیدارەی گەرمیان و گرنگیدان وە رەوش قەزای کفری”.
دووپات کردیش ک "شاندەیل ئەنجومەن پارێزگایل و کەسایەتییە ئەکادیمییەیل روی زەرەو مانگگردنەگە کەن، بەڵام چارەسەر ها دەس حکومەت هەرێم کوردستان و دامودەزگایل حکومەتی".
رەئوف داوا کرد "شاندیگ لە حکومەت هەرێم دروس بوود، و سەردان مانگگرەیل بکریەێد تا وە زویترین وەخت داواکاری ناڕەزایل بزانن".
چەن رووژیگ وەرجەیە، سەدان کەس لە خەڵک کفری مانگگردنیگ واز رێکخستن تا ناڕەزایەتی نشان بیەن وەرانوەر پەراویزخستن و پشتگووشخستن دەسەڵات دادوەری وە گشتی و باوەتەیل جویراجویر.
دیارترین داواکارییەیل مانگگردنەگە وازکردن بەش خزمەتگوزاری و دامودەزگایل هەکاتی قەزای کەلار، و کۆتاییهاوردن وەو نادادپەروەری و پشتگوووشخستن خزمەتگوزارییە کە لە کفری زاڵە، وە پیچەوانەی ئەوەگ لە قەزای کەلار بوود لەڕوی ئاوەدانی و خوەشگوزەرانی لە گشت کەرتەیل.
بیجگە لە وازکردن کۆلێژەیل سەر وە زانکۆی گەرمیان لە کفری، هەکاتی یەکە کارگێڕییەیل ئیدارەی گەرمیان، کە قەزای کفری بارکردن گەورەیگ وەرەو ناوچەیل هەرێم وەخوەی دوینێد، لەوەر بیکاری و نەوین دەرفەت کار و خزمەتگوزاری.
کفری قەزایگ عراقییە کە جاران لەبان پارێزگای دیالە بویە، باوجی رژیم وەرین خستەی بان قەزای کەلار لە هەرێم کوردستان.
