ئەرا سێیەم رووژ لەبانیەک.. کادرەیل پەروەردەیی خانەقین لە مانگگردن وەردەوامن
حەسەن تاڵەبانی وەڕێوەبەر پەروەردەی خانەقین، ئەرا ئاژانس شەفەق نیوز وت: دەیان کادر پەروەردەیی لە وەردەم بینای وەڕێوەبەرایەتی پەروەردە چادر مانگگردن هەڵدانە، شەرمەزار هەڵوەشانن بڕیار ماددەی 21 یاسای بودجەی ساڵی2019 لە پەرلەمان عراق کردن، ک گواستنەوەی کادر پەروەردەیی لە ستاف پەروەردەی کوردستانەو ئەرا وەزارەت پەروەردەی فیدراڵی دیاری بکەێد.
وتیش: "3560 مامووستا و فەرمانبەر لە خانەقین و قەزایل سەروە خانەقین بڕیار گواستنەوەیان ئەرا وەزارەت پەروەردەی فیدراڵی گرێدەیان، بەڵام پەرلەمان ماددەی 21 هەڵوەشانیە ک گواستنەوەیان دیاری کردگە"، وتیش: وەڕێوەبەرایەتییەگە ئامارەیلی تەواو کردگە، داتایل مووچە و گشت ریکارەیل گواستنەوەی کادیرەیل پەروەردەیی، و باوەتەگە کەفتە مەیدان پەرلەمان.
تاڵەبانی دووپات کرد ک خوەینشاندان و مانگگردن لە شار خانەقین و پارێزگای کەرکوک وەردەوامە.
وەرجەیە، دەیان مامووستا و و کارگێڕ پەروەردەیی لە شار خانەقین خوەینشاندانیان کردن ئەرا ئیدانەکردن بڕیاریگ پەرلەمانی ک لە سەروبەند پەسەنکردن بودجەی سێیانی مافیان خواردیە.
