رەوانگەی کوردستان: دوو زەویلەرزە دا لە کفری و خانەقین

شەفەق نیوز/ وەڕێوبەرایەتی کەشوهەوا و رەوانگەی زەویلەرزە لە هەرێم کوردستان، ئمڕوو شەممە، راگەیان دوو زەویلەرزە دا لە سنور قەزای کفری و خانەقین، و ئاماژەدا ک ناوەند زەویلەرزەگە لە پارێزگای کەرماشان بوی لە کوردستان ئیران. وەڕێوبەرایەتیەگە لە بەیاننامەیگ رەسیە ئاژانس شەفەق نیوز وت: زەویلەرزە یەکەمەگە لە ساعەت ١١:٣٧ وەرجە نیمەڕو ئمڕوو شەممە بوی، لە دویری ٣٠ کێلومەتر لە شار خانەقین، و ٣٩ کێلومەتر لە شار کفری، وتیش؛ هێز زەویلەرزەگە ٣،٧ پلە وەپەیمانەی ریختەر بوی وە قوولی ١٠ کێلومەتر. بەیاننامەگە ئاماژەدا؛ ک خەڵکەگە هەست وە هەردوگ زەویلەرزەگە کردن، وهیچ زەرەدیگ نەێشتەجی.