"چیرۆک شارستانیەتیگ"... پێشانگایگ هونەری لە هەولێر باس مێژوو عراق کەێد (وینە)

پەیامنێر ئاژانس شەفەق نیوز راگەیان، پێشانگاگە وەناونیشان “چیرۆک شارستانیەتیگ” بویە و وە هاوکاری سەنتەر هۆشیاری لە  هەولێر وەڕیوەچی.

خاوەن پێشانگاگە، رەئوف ئەلعەتار، وە ئاژانس خەوەری شەفەق نیوز راگەیان، “پێشانگای چیرۆک شارستانیەتیگ  ٤٠ تابلۆی هونەری گرێدەخوەی کە نوێنەرایەتی شوینەوار و مێژووی عراق کەن، ئەو تابلۆیەیلە کیشیانە وینەی ئەو ریبوارەلە نیشاندەن هاتەسە عراق، تەقەلا دایمنە زینگی بکەیمن وەگەرد شێواز هونەری مۆدێرنانە تێکڵا کریاس".

لای خوەیەو ئەحمەد ئەلمودەرس، وەڕێوەبەر سەنتەر هۆشیاری کە میوانداری پێشانگاگە کردبوی، وە ئاژانس شەفەق نیوز راگەیان، “ پێشانگاگە فرە گرنگە، وەتایبەت لە هەلومەرج ئیسە، وەمەبەست ناسانن شارستانییەت و مێژووی عراق،  پێشانگاگە مێژووی گشت پارێزگایەیل عراق و میراتە مێژووییەیل گرێدەخوەی”.