رەسین و پیشوازیکردن لە سەرۆک هەرێم کوردستان لە تەهران.. وینە
2024-05-05T18:31:08+00:00
شەفەق نیوز/ کامیرایل وینەی رەسین نێچیروان بارزانی سەرۆک هەرێم کوردستان وە سەردانیگ فەرمی، ئیوارەی ئەمروو یەکشەممە، ئەرا تەهران پایتەخت کۆمار ئیسلامی ئیران کردن.
بڕیارە بارزانی لەی سەردانە ئەرا تەرخان دیدارەیلیگ وەرد عەلی خامەنەئی ریبەر ئیران، و ئیبراھیم رەئیسی سەرۆک کۆمار ئیران، و محمد باقر قالباف سەرۆک پەرلەمان ئیران ئەنجام بەێد.
یەیش پەنجەمین سەردانە ئەرا نێچیروان بارزانی وەماوەی 11 ساڵ گوزەشتە، کە نیاز دیرێد وە دانوسەنین وەرد گەورە سەرکردەیل ئیرانی لەناوی پەیوەندییەیل ناوەین هەرێم کوردستان و ئیران قایمتر بکەێد.
وەگورەی وەرپرسیگ لە سەرۆکایەتی هەرێم کوردستان، ئی سەردانە گرنگە، کە دویای گەردین فراوانیگ تیەێد وەگەرد سەرکردەیل سیاسی لە بەغدا، کە سەرۆک هەرێم کوردستان وت: دەسکەێدە قۆناغ نوویگ لە پەیوەندییەیل.
ئی سەردانە دویای هاتن سەرۆک تورکیا ئەرا بەغدا و هەولێر لە مانگ نیسان گوزەشتە هات، کە وە سەردانیگ میژووی دریا قەڵەم.
