دوياي پەلامار داعش لە کەرکوک.. پێشمەرگە و دژە تیرۆر کۆنتڕۆڵی کەن
شەفەق نیوز/ وەزارەت پێشمەرگە، و دژە تیرۆر لە هەرێم کوردستان، ئمڕوو شەممە، راگەیان نواگردن پەلاماریگ لەلایەن ریخریاگ داعش لە کەرکوک.
وەزارەتەگە لەبەیانامەیگ ئمڕوو وت: هێزەیل پێشمەرگەی کوردستان وە سەختی نوای پەلاماریگ تیرۆری ئەرا داعش گردن و شکانەنی، و باس کەفتن شمارەی فرەیگ لە کوشیاگەبل داعش کرد و تەرمەیلیان لە شوین پەلامارەگە مەنە جی.
وەزارەتەگە باس خەفەت خوەی لەکەفتن شەهید و زەخمدارەیلیگ لە هێزەیل پێشمەرگە کرد.
لەلای خوەییش، دەزگای دژە تیرۆر لە هەرێم کوردستان، لە بەیاننامەیگ شەفەق ئمڕوو شەممە وت: چەکدارەیل داعش تیرۆرست پەلاماریگ لەبان بەرزاییەیل لە نزیک ئاوای بورکان لە سنور محوەر پەنجەم ئەرا هێزەیڵ پێشمەرگە و لەبان شوینەیل لیوای دەهەم لە هێزەیل پێشمەرگە کردن.
بەیاننامەگە دووپات کرد ک نوای پەلامارەگە گریا، و شوینەگە هالە کۆنتڕۆل هێزەیل پێشمەرگە.
سەرچەوە ئەمنیەگە ئەرا ئاژانس شەفەق نیوز وت: پەلامارەگە بویە هووکار کەفتن هەفت قوربانی لە پێشمەرگە، و دوو زەخمدار، و سزانن خاڵیگ ئەمنی.
پەلامارەگە لەبان پێشمەرگە، وەهاووەختی وەگەرد دوو پەلامار لەلایەن چەکدارەیل ریخریایەگە لەبان شوینەیل پۆلیس فیدڕاڵی لە کەرکوک هات.
سەرچەوەگە ئەرا ئاژانس شەفەق نیوز وت: یەکەم پەلامارەگە لەبان شوینەیل فیرقەی سێیەم پۆلیس فیدڕاڵی لە ناحیەی ریاز بوی، و دوویەمەگە لەبان لیوای ١١ پۆلیس فیدڕاڵی لە قەزای حەویجە بوی.
وتیش؛ پەلامارەگە بویە هووکار کەفتن هەفت قوربانی.
