کەی دوو مانگ لە ئاسمان هەرێم دەرکەفێد؟
2024-09-21T07:15:47+00:00
شەفەق نیوز/ وەپای توێژینەوەیگ کە لە گۆڤار تێبینیەیل توێژینەوەی کۆمەڵەی فەلەکی ئەمریکیی بڵاوکریا، لە ئایندەیگ نزیک ئاسمان زەوی دوو مانگ وە خوەی دوینێد بەڵام ماوەی فرەیگ نیەمینێد.
توێژینەوەگە دیاریکەێد، دەرکەفتن دوو مانگ لە ئاسمان زەوی کە باس لەلی کرێد، تەنیگ ئاسمانییە وە ناو 2024 PT5 و هاتێ هەسارۆکەی ئارجونا بوود.
هەسارۆکەیل ئەرجونا، وەپای توێژینەوەیگ لەساڵ 2013 کۆمەڵەی فەلەکی شاهانە بڵاویکردیە لێوا پێناسەکریاس، تەنیگ بویچگن کە لەبان خولگەیگ جویلیەێد وەشیوی کەمیگ گۆیی و کەمیگ جویر زەویه.
توێژەرەیل ئویشن، یە یەکەمجار نییە تەنیگ هاوشیوەی زەوی نزیکەو بوود، وەی مدووە دیارەی "مانگ بویچگ" تاڕادەیەگ باوە.
وەپای توێژینەوەیل، مانگ بچویک لە ٢٩ی ئەیلول دەرکەفێد و مەزەنەکرێد تا ٢٥ مانگ ١١ وەردەوام بوود.
