دویەمە وەماوەی هەفتەیگ.. خوەیکوشتن پیای پیریگ لە خانەقین
2024-03-12T10:45:16+00:00
شەفەق نیوز/ سەرچەوەیگ ئەمنی، ئمڕوو سێشەممە، خەوەردا لە خوەیکوشتن پیای پیریگ وە گولە لە قەزای خانەقین، و دیاری کرد کە یە دویەم خوەیکوشتنە وەماوەی هەفتەیگ.
سەرچەوەگە ئەرا ئاژانس شەفەق نیوز وت: پیای پیریگ لەداڵگبوی ١٩٤٨ ئمڕوو خوەی کوشت، ئەوەیش هەناێ وەگولە داد لە خوەی لە شار خانەقین.
سەرچەوەگە وتیش: ئی خوەیکوشتن دویەمە دویای خوەیکوشتن پیاییگ لەناو تەمەن هەستا ساڵە، کە لە ناحیەی سەعدیە لە قەزای خانەقین وەرجە چەن رووژیگ خوەی کوشت.
سەرچەوەگە دیاری کرد کە هووکارەیل خوەیکوشتنەگە نادیارە، و پولیس لێکۆڵینەو لە رویداوەگە واز کرد.
