دویەتیگ وە چەک باوگی کۆتایی خوەی کوشێد و برایگ خوەشکەی خوەی کوشێد وە دەسپیچگ "شەرەف" لە کەلار و خانەقین
قسەکەر پۆلیس گەرمیان عەقید مافپەروەر عەلی جەماڵ قەدوری لە بەیاننامەیگ رەسیە ئاژانس شەفەق نیوز وت، " دویەتیگ وەناو (د.أ) لەداڵگبوی 2010 لەناحیەی رزگاری سەر وە کەلار خوەیکوشتیە لەری تەقەکردن لەخوەی وە دەوانچە تایوەتەگەی باوگی"، دیاریکرد "تەرمەگەی ئەرا پزیشک دادوەری کلکریایە".
یەکیگ کەسوکار دویەتەگە کە خوەنەوار مەکتەو بوی وت، "دویەتە وەگەرد داڵگی لەناو ماڵ بویە، وە دەوانچەی باوگی تەقە لە خوەی کردیە کە خانەنشینە لە رز هێزەیل پێشمەرگە بویەسە مدوو دەسوەجی گیان لەدەسدانی، وەپای عەقید مافپەروەر قەدوری.
قسەکەر بەش پۆلیس گەرمیان دیاریکرد لێکۆڵینەوە لە رویداوەگە و چۆنیەتی رویدانی وازکریاس، دووپاتکرد هێزەیل پێشمەرگە رویکردنەسە ئەو ماڵە دەوانچە و مۆبایل و دەزگایگ (iPad) تایوەت وە دویەتەگە وەرگردنە.
هەمیش، سەرچەوەیگ ئەمنی لە قەزای خانەقین خەوەردا برایگ وە دەسپیچگ "پاکەوکردن شەرەف" خوەشکەی خوەی کوشێد.
سەرچەوەگە وە ئاژانس شەفەق نیوز وت "دویەتە گەنجیگ وەناو "کاسرین" گیان لەدەسدا وەبان دەس براگەی لەری دوو گوولە نریاسە سەر و زگی".
دیاریکرد "قوربانیەگە ئەرا پزیشک دادوەری کلکریاس و توومەتبارەگە دەسگیرکریاس ئەرا وەرگردن رێکارەیل یاسایی وەرانوەری".
