دویەتیگ لەبان پیەڵیگ لەناوڕاس سلێمانی خوەی خەێد
2024-04-24T12:26:43+00:00
شەفەق نیوز/ سەرچەوەیگ ئەمنی، ئمڕوو چوارشەممە، خەوەردا کە دویەتیگ لە سلێمانی لە بەرزایی پیەڵیگ خوەی خستیەسە خوارەو وە تەقەلای خوەیکوشتن.
سەرچەوەگە ئەرا پەیامنێر ئاژانس شەفەق نیوز وت: دویەتەگە نیمەڕو ئمڕوو، لەبان پیەڵیگ نزیک فامیلی مۆڵ کەفتە خوار، و تویش زەخم و شکیان فرەیگ هات.
وتیش؛ دویەتەگە ئەرا خەسەخانە بریا، و لە هووش چگە کەسیگ ناسنامەی نیەزانێد.
دیاری کرد کە دەزگایل ئەمنی دەسکردنە لێکۆڵینەوە ئەرا رەسین وە بندروس رویداوەگە.
لەلای خوەییش سەرچەوەیگ پزشکی لە خەسەخانەی شار لە سلێمانی ئەرا ئاژانس شەفەق نیوز وت: دویەتەگە وەناو (عادیله عوبدولقادر) لە تەمەن (21) ساڵانە.
دیاری کرد کە دویەتەگە هاتیە خوەی بکوشێد، وەبی ئاشکرابوین هویردەکارەیەیل چوینکە دویەتەگە نیتوەنێد قسە بکەێد.
