دراوردن پەناگەیگ ئاسەواری ک کەسەیلیگ نانەسەی چاڵ و رزگارکردن یەکیگیش لە ویرانکردن
سەرچەوەگە ئەرا ئاژانس شەفەق نیوز وت: لایەنەیلیگ وە شکانن یاسا لە پڕۆژەی ئەڵوەن ستی ٢ خوەرهەڵات خانەقین پەناگەیگ ئاسەواری هن سوپای رووسیا دراکردن ک وەرجەیە نانەسەی چاڵ، ئەرا وەکارهاوردن زەویەگە.
وتیش؛ پەناگە نریا شوین خوەی، و داوا لە دەسەڵاتەیل کرد ریکارەیل زبریگ لەنوای ویرانکردن پەناگەیلیکتر لە خود شوینەگە بکریەێد.
دووپات کرد ک لایەنەیل ئەمنی و خەڵکەگە نەیشتن پەناگەیگ لە ناوچەی ئەرکەوازی ویران بوود، ک کەسەیلیگ تواستنە بڕمننەی تا شوینەگە ئەرا خوەیان بوەن.
لەلای خوەییش، دلێر حەسەن سایە قایمقام خانەقین ئەرا ئاژانس شەفەق نیوز وت: هویچ سکاڵایگ یا ئاگادارییگ فەرمی لە لایەنەیل پەیوەندیدار وە ئاسەواری لەبان ئی کارەیلە وە ئیدارەگەی نەڕەسیە، و کارەگە تا ئیسە تەنیا لەبان فەیسبووک باس کریەێد.
سایە هوشداری لە هەر پیشێلکارییگ یا تەقەلای نقومکردن سیمایل ئاسەواری کرد، و زاقتریان شوین و پەناگەیل سوپای رووسیا ک ئەرا زیاتر لە ١٠٠ ساڵ چوودەو، وتیش؛ قایمقامیەت ئەوەسا پەیوەندی وەگەرد لایەنەیل پەیوەندیدار کەێد ئەرا مقیەتیکردن شوینەیل ئاسەواری.
دویەکە شەممە، شار خانەقین لەڕی ئاژانس شەفەق نیوز داوا لە دەسەڵاتەیل پەیوەندیدار و دەزگای ئاسەواری کرد رزگار سیمایل ئاسەواری لە فەوتان و دەسدرویژی بکەن.
