دارایی کوردستان مووچەی نا یاسایی زیاتر لە ١٠ هەزار کەس بڕێد
2021-01-04T11:42:59+00:00
شەفەق نیوز/ وەزارت دارایی لە حکومەت هەرێم کوردستان، ئمڕوو دووشەممە، راگەیانن بڕین مووچەی زیاتر لە ١٠ هەزار کەس، ک مووچەیل نا یاسایی وەرگرن.
وەزارەتەگە لە بەیاننامەیگ رەسیە ئاژانس شەفەق نیوز وت: بڕیارەگە لە بنەمای یاسای چاکسازی لە مووچە و شایستەگان و خانەنشینی لە هەرێم کوردستان دەرچگ.
لە ووردەکاریەیل بڕیارەگە، بەیاننامەگە دیاریکرد ک وسانن مووچەی خانەنشینی ئەرا ١٠٦٠٩ فەرمانبەر گردەو ک ناویان لە سیستەم بایۆمەتری دووارەو بویە، و ژمارەیان ٢١٥٨٨ باوەتە، و وەشیوەیگ نا یاسایی مووچە وەرگرن، هەمیش ئەو فەرمانبەرەیلە ک دوو مووچە وەرگردن ژمارەیان ٧١٩ فەرمانبەرە.
وتیش؛ ئەو فەرمانبەرەیلە ک دوو مووچەیی فەرمانبەری، خانەنشینی وەرگرن، ژمارەیان رەسێدە ٣٩٠٩ کەس، و ئەو فەرمانبەرەیلە ک دوو مووچەی خانەنشینی وەرگرن ژمارەیان رەسێدە ٥٩٠٩ کەس.
هەمیش وت؛ هەر فەرمانبەریگ لەی بڕیارە زەرەدمەن بویە توێنێد خەوەردار لایەنە پەیوەندیدارەگان لە فەرمانگە حکومەتیەگان بکەێد.
