ئیدارەی گەرمیان نیم ملیار دینارە ئەرا پرۆژەی ریوبان خوازێد

شەفەق نیوز/ وەڕێەوبەرایەتی ریوبان و پیەڵ گەرمیان، ئمڕوو یەکشەممە، ڕاگەیان ئیدارەگە  ئەرا پرۆژەی ڕێیگ ستراتیجی نیم ملیار دینار خوازێد ک چارەی فرەیگ لە قەیرانەیل کەێد ک لەوەر کەمی و گەنی ریەگە دروس بویە. 

وەڕێەوبەر ریوبان و پیەڵ گەرمیان عەدنان خەلیل لە بەیاننامیگ ڕەسیە ئاژانس شەفەق نیوز وت، " ئیدارەی گەرمیان   150 پرۆژەی جیاواز خوازێد ئەرا چارەکردن قەیران ری لە ناوچەگە"، دیاریکرد " ئی پرۆژە  بودجەییگ خوازێد ک رەسێدە 500 ملیۆن دینار".  

عەدنان دیاریکرد، " گشت ئی پرۆژەیلە ئاشکەراکردنیان ئامادە کریاگە، پیشکەش وەزارەتەگە کریاگە چەوەری ڕەزامەنی لایەن دیارکریاین". 

باسکرد هاوڵاتیەیل ئیدارەی گەرمیان لە دەس گرفت ری و جادەی دو ساێد ناڵن ک قەیران دارایی ریگر بوی لە تەواوبوینی، گرفت ریوبان لە گەرمیان دەیان هاوڵاتی کردیەسە قوربانی وە ڕویداوەیل هاتوچو جیاواز.