دەسگیرکردن باندیگ دزیکردن لە هولێر
2023-03-26T12:10:44+00:00
شەفەق نیوز/ پۆلیس هەولێر، ئمڕوو یەکشەممە، خەوەردا لە دەسگیرکردن باندیگ پەنج کەسی دزیکردن ک چواریان ژنن و یەکیان پیاوە.
لە کۆنگرەیگ رووژنامەوانی هۆگر عەزیز قسەکەر وەڕیەوبرایەتی گشتی پۆلیس هەولێر راگەیان" دویای ئەوەگ کەسیگ هاتیە و سکاڵا توومارکردیە ک بڕ 80 هەزار دۆلار لەناو ماشینەگەی لەلی دزیاگە تیمیگ لێکۆڵینەوە ئەرا ئەو مەبەستە دانریاس".
دیاریکرد" لەئەنجام لیکۆڵینوەیل دەرچگە ک دوو ژن و پیاویگ ئەو تاوانە ئەنجامدانە، دویای وەدویاچگ توەنریا چەن باندیگتر دزیکردن دەسگیر بکریەد".
راگەیاندیش، ئەوانەگ دەسگیرکریانە پێکهاتنەس لە چوار ژن و سێ دویەت تەمەن 13 تا 17 ساڵ، ک لە ری هەولێر موسڵ وسیانە و وەگەرد ماشینەیل بارهەڵگر سوار بوینە و هەرچە لەناو ماشینەگە بوی دزینەسێ.
وتیش لە دوو باند لەیان هەشتا هەزار دۆلار و چوار ملیۆن دینار دەسوەبانی گیریاس و گلەودریا ئەرا خاوەنەگانیان و لە کەیسیگتر پەنج ملیۆن دینار دەسوەبانی گیریایە.
