دەسکریا وە هەڵوژاردن گشتی خول شەشەم پەرلەمان کوردستان

شەفەق نیوز/ لە هەرێم کوردستان، ئمڕوو یەکشەممە، دەسکریا وە پرۆسەی هەڵوژاردن گشتی پەرلەمان هەرێم کوردستان خول شەشەمی لە دویای کۆتایهاتن وە هەڵوژاردن تایوەت وە هێزەل سەربازی و ئەمنی لە رووژ پێرەکە جومعە.

کۆمیسیۆن باڵای سەروەخوەی هەڵوژاردنەیل عراق لە ساعەت هەفت شەوەکی دەرەیل 1622 بنکەی دەنگداین گشتی لەروی دانشتگەیل شار و ناوچەیل هەرێم وازکرد 2,899,578 کەس ماف دەنگداین دیرێد لە کووی گشتی دەنگدەرەیل 2,683,618 دەنگدەر.

لە رووژ جومعەی وەرین،کۆمیسیۆن باڵای هەڵوژاردنەیل راگەیان 97 لەسەد لە دەنگدەرەیل لە بنەرەت 215,960 ئەندام پێشمەرگە و هێزە ئەمنیەیل ناوخوەی دەنگدانە، دووپاتکرد پرۆسەی هەڵوژاردن تایوەت وە ئارامی بی هویچ سەرپیچیگ وەڕیوەچی.

1091بەربژێر لە هەرێم کوردستان لە هەردوو رەگەزەگە پێشبڕکێ کەن ەرا وەدەسهاوردن 100 کورسی، پەنج کورسی لەلی "کۆتا"س ئەرا پێکهاتەیل کە لە 11 کورسیەو کەمەوکریاس، وەبڕیار دادگای باڵای فیدڕاڵی.