خوەنەواری کوردستان دەسەیگ ئەرا نووڕین گرفت خوەنەوارەیل زانکۆی چەرموو دروس کەێد
شەفەق نیوز/ وەزارەت خوەنەوارەی باڵا و توێژینەوەی زانستی لە هەرێم کوردستان، ئمڕوو چوارشەممە، دروسکردن دەسەیگ ئەرا زانستن گرفت خوەنەوارەیل بەشەیلیگ لە زانکۆی چەرموو لە سلێمانی راگەیان.
دروسکردن ئی دەسە دویای سێ رووژ لە خوەینشاندان وەردەوام لەلاین خوەنەوارەیل زانکۆی چەرموو لە سلێمانی تیەێد، ک لەبان ئەوە ناڕەزایی کردن ک ناونشان فەرمانبەری وەپیان نەدریاگە.
وەزارەتەگە لە بەیاننامەیگ رەسیە ئاژانس شەفەق نیوز وت: ئارام محمد قادر وەزیر خوەنەواری باڵا و توێژینەوەی زانستی، چەوی کەفتە سەرۆک زانکۆی چەرموو و بڕیگ لە خوەنەوارەیلی.
وەگورەی بەیاننامەگە، وەزیر وت: ئەرکی گووشگردنە لە داوا و پێشنیارەیل خوەنەوارەیل زانکۆیل کوردستان، ئەرا مینەکردن گیچەڵ لەناو ئەو بەشەیلە ک ناونشان فەرمانبەری نەیرن.
قادر پەیمان وە گشت تەقەلایلی ئەرا ئاسانکردن ئەو گیچەڵە دا، وتیش: ئەوەسا دەسوە دانوسەنین وەرد لایەنەیل پەیوەندیدار لە حکومەت هەرێم کوردستان وسەندیکایل وریخریایەیل پسپۆڕ کریەێد، ئەرا پەیاکردن چارەیگ و مقەیەتیکردن رەنج خوەنەوارەیل لە ساڵەیل خوەنستن.
وەگورەی بەیاننامەگە، بڕیارە دەسەگە سەردان زانکۆی چەرموو لەنزیکترین وەخت بکەێد، وچەوی بکەفێدە خوەنەوارەیل زانکۆگە ئەرا پەیاکردن چارەیل زوییگ.
