خوەنەوارەیل زانکۆی دگانسازی سلێمانی لەوەر دوو هووکار خوەنیشاندان کەن..وینە
شەفەق نیوز/ خوەنەوارەیل زانکۆی دگانسازی لە زانکۆی سلێمانی، ئمڕوو یەکشەممە، خوەنیشاندان کردن لەوەردەم کۆلێژەگە لەوەر داوەزانن نمرەی وەرگردن خوەنوەر لە زانکۆ ئەهلیەگان و دانەمەزرانیان ئەرا ماوەی چەن ساڵیگە.
مەریەم عەلی ک یەکیگە لە خوانەوارەیل کۆلێژ دگانسازی وە ئاژانس شەفەق نیوز وت؛ " خوەنیشاندانەگەی ئمڕوومان گلەوخوەێد ئەرا دوو هووکار سەرەکی، یەکەم داوەزانن نمرەی وەرگردن لە زانکۆ ئەهلیەگان ک نمرەی وەرگردن لە زانکۆ ئەهلیەگان 86 باوجی وەرگردن خوەنەوار لە کۆلێژ دگانسازی حکومیەگان لە 96 ئەرا 98ە ویەیش نایەکسانی گەپیگە و شمارەی بیکاری فرەو کەێد.
مەریەم وتیش، دویەم هووکار وسانن دامەزرانن دەرچگەیل کۆلێژ دگانسازیە لە ساڵ 2015ەوە ک شمارەیان زیاترە لە 5 هەزار کەس.
مەریەم وتیش؛ حکومەت بایەتە پیلانیگ بنەێد ئەرا کەمەوکردن دەرچگەیل وە وەرچەوگردن نەوین کار جویر پێویست، نەک فراوانکردن شمارەی زانکۆ ئەهلیەگان ک بویەسە جی خیزانەیل دەوڵەمەن لەبان بەرژەوەنی ئەو کەسەیلە زەرەد کردنە و کۆنمرەی بەرزیگ وەدەسهاوردنە.
مەریم وتیش، ئەوان وەردەوامن لە خوەنیشاندانەگان تا ئەو وەختەی پرۆسەی وەرگردن لە زانکۆ ئەهلیەگان دیاریکریەێد و دەرەیل دامەزرانن ئەرا دەرچگەیل دگانسازی وازکریەێد.
