خرسیگ مەرەقەزکریاگ کوشتاریگ لە یەکیگ لە ناحیەیل دهۆک کەێد
شەفەق نیوز/ سەرچەوەیگ ئەمنی، ئمڕوو چوارشەممە، خەوەر لە پەلامار خرسیگ لەبان مامر و رێنەیلیگ لە ناحیەی سەرسەنگ لە پارێزگای دهۆک دا.
سەرچەوەگە ئەرا ئاژانس شەفەق نیوز وت: خرسیگ ک وەرجە چەن رووژیگ لە کوێەی گارە مەرەقەز کریاگە، پەلامار مامرەیل و رێن و خانەیل زەردەواڵە لە ئاوای ئاشاو لە ناحیەی سەرسەنگ دا، و زەرەدەیلیگ رەسانە پرۆژەیل سامانە ئاژەڵیەگان لە ئاوایەگە، و هەمیش رخ خەڵک ئاوایەگە برد، وەتایبەت مناڵ و ژنەگان.
وتیش؛ دەرچگن خرسەگە لە ناوچە دانیشتوەگان رخیگ خستە ناو مەدەنیەگان، ک هیشت محمد نەزیف وەڕێۆبەر گەشت وگوزار دهۆک بانگوازیگ ئەرا رێکخراو هاوکاری کوردی- ئەمریکی بکەێد تا خرسەگان ئەرا شوونەیلیگ گونجیاگتر بوەریەنەو، چوونکە ناوچەی گارە شوینیگ گەشت وگوزاریە، و رووژانە سەدان لە هاووڵاتییەگان سەردانی کەن.
لەلای خوەییش، عەقیدە میڤان عمادی وەڕێۆبەر فەرمانگەی پۆلیس سەرسەنگ ئەرا ئاژانس شەفەق نیوز وت: ژمارەیگ لە کەسەیل رێخکراو هاوکاری کوردی- ئەمریکی خرسەگە گردن و لە ئاوایەگە دەری کردن.
لە ١١ی ئی شوباتە، رێکخراو هاوکاری کوردی-ئەمریکی ٦ خرس مەرەقەز کردە کوێەی گارە لە قەزای عمادیە لە پارێزگای دهۆک، وەئامانج مقەیەتیکردن چینەیل خرسەگان و مقەیەتیکردنیان لە فەوتان، و ئەوزەڵکردن ژیان سرووشتی لە ناوچەگە.
