خانەقین میرات رووشنهویری و هونەری خوەی وە چالاکیەیل جیاوازیگ لە کۆریگ ناودەوڵەتی نمایش کەێد (وینە)
وەرپرس چالاکیەیل لە وەڕێوبەرایەتی رووشنهویری و هونەر لەخانەقین، عەلی حسێن، وە ئاژانس شەفەق نیوز وت، وەڕێوەبەرایەتی رووشنهویری و هونەر کۆڕەگە رێکخستیە وە پاڵپشتی وەڕێوەبەرایەتی گشتی رووشنهویری و هونەرلە ئیدارەی گەرمیان سەر وە وەزارەت رووشنهویری و گەنجەیل هەرێم کوردستان.
وتیش "کۆڕەگە ئەرا ماوەی سێ رووژ لە سەنتەر رووشنهویری خانەقین وەردەوام بوی ئەرا یەکەمینجار وە ئامادەبوین سیاسی و رووشنهویرەیل و هونەری و هووزانەی فراوانیگ وە نوێنەرایەتی وەزیر رووشنهویری و گەنجەیل هەرێم کوردستان و سەرکردەیل سیاسی حیزبە کوردیەیل و وەرپرسەیل و کەسەیل دیار هونەری و رووشنهویری لە خانەقین و پارێزگایەیل عراق و هەرێم کوردستان و هونەرمەنەیلیگ لە ئیران".
دیاریکرد " کۆربەندەگە نمایشەیل فلکلۆری کویەنە و شانۆگەری و نمایشگای هونەر وینەکیشان و سیمینار گردبویە خوەی، وەگەرد وەگەرد بەشەوکردن کتاو عەمید وەرین زانکۆی ئاداب خانەقین بەندەر عەلی ئەکبەر تایبەت وە کوردەیل فەیلی لە دیالە، وەگەرد ئاهەنگەیل گورانی و شیعر کە رەنگدانەوەی رووشنهویری خانەقین وە پارێزگایەیل و هونەرمەن و رووشنهویرەیل ئیران" وتیش " لە کۆربەندەگە رێزلێنان کریا ئەرا کەسەیلیگ دیار لە هونەرمەن و رووشنهویرەیل".
