خانەقین ئاهەنگ واژووکردن کتاو نوویگ کەێد
شەفەق نیوز/ وەڕێۆبەرایەتی رووشنهویری و هونەرەگان لە شار خانەقین، ئیوارەی ئمڕوو پەنجشەممە، لە هۆڵ رووشنهویری شەهید سەلام، سیمیناریگ ئەرا واژووکردن کتاو نوویگ وەناونشان (قەیران بەشداریکردن سیاسی لە سیستمە سیاسیە عەرەویەگان) ئەرا نووسەر ئەحمەد سادق مەندەلاوی ئەنجام دا، وەئامادەبوین بڕیگ لە رووشنهویرەیل شارەگە.
کەنعان حاتم، وەڕێوبەر سیمینارەگە ئەرا ئاژانس شەفەق نیوز وت: ئەحمەد سادق مەندەلاوی خاوەن ماستەر زانستە سیاسییەگانە، ئی کتاو تۆێژینەوەی سیاسیە نووساگە و چایی کردگە، وەناونشان (قەیران بەشداریکردن سیاسی لە سیستمە سیاسیە عەرەویەگان) دوو نموونە لەناو تۆیژیەنەوەگە وەکار هاوردگە، نموونەی وڵات میسر، و نموونەی عراق، و بەراوردی لەناوبەین هەردوگ وڵاتەگە لە چین کۆمەڵگا و هەڵبژاردن و شیوەی حکومڕانیەگان، وهەمیش هاووەختیەگە لەناوبەین ئاڵشتبوینە سیاسیەگان لەی دوو وڵاتە.
وتیش؛ وەی سیمیناره گفتوگۆەیل فرەیگ لەلایەن نووسەرەگە و ئامادەبویەگان دەرباری جووراجور چینەیل ئی باوەتە کریا، وەتایبەت لە بۆچوون و راگان لە هەڵبژاردن زوینەی هاتگ عراق، ک لە باوەتەیل کتاوەگە سوود فرەیگ وەرگردن.
لە پرسیارەیل ئامادەبویەگان ئاماژە وە گرنگی ئی باوەتە لەی وەختە کردن، وەتایبەت لە نزیکەوبوین مەوقەی هەڵبژاردن زوینە، و تایبەتی شار خانەقین ک لە هەرێم کوردستان دابڕیاگە، و زۆرینەی خەڵکەگەی لە نەتەوەی کوردە
