حکومەت کوردستان پڕۆژەی نوویگ واز کەێد ک ٥٠٠٠ دەرفەت کار دابین کەێد .. وێنە
شەفەق نیوز/ حکومەت هەرێم کوردستان، ئمڕوو یەکشەممە، وە ئامادەبۊن قوباد تاڵەبانی جیگر سەرۆک حکومەت هەرێم، کارەگای بەرهەمکردن ئارد لە ناوچەی بازیان لە پارێزگای سلێمانی واز کرد.
تاڵەبانی لە وتاریگ لە وازکردن کارەگاگە و ئاژانس شەفەق نیوز ئامادەی بۊی وت: ئی پڕۆژە گرنگە، وکەفێدە ناو پلان نیشتمانی ئەرا بازاڕکردن گەنم جفتیارەیل، و دیاری کرد ک چەوەڕی کەیمن ئی کارەگا رووژیگ ٥٠٠ تەن گەنم بهەڕێد.
وتیش: ئەوەسا ئی پڕۆژە هاوکار بوود لە بازاڕکردن گەنم جفتیارەیل، و گەنم هاوردە لەمەو کەێد ز و سوپاس خوەی ئاڕاستەی وەزیر کشتوکاڵی و گشت بەشدارەیل لەی کارەگا و پڕۆژەی گرنگە کرد.
و دیاری کرد ک ئی پڕۆژە ئەوە چەسپنئد ک ئەگەر حکومەت وەگەرد کەرت تایبەت هاوکار بۊی، تۊینێد دەسکەفتەیل گرنگ و بیناکردن پڕۆژەی گەورە وەدەس بارێە، و ئی کارەگا ئەوەسا ٤٠٠ دەرفەت کار دابین کەێد، و هەنای تەواو بوود ٥٠٠٠ هەزار دەرفەت کار دابین کەێد.
تاڵەبانی وتیش؛ کارەیل فرەیگ دیریمن تا ئەرا خزمەت گەنجەی لە جیوەخی بکەیمن، و پەیمان وە تەقەلای گشت رەنجەیلە ئەرا خزمەت خەلکەگە دەیمن، و دابینکردن کار ئەرا گشتی، وتیش؛ ئی پڕۆژە کەفێدە ناو زیاتر لە ٨٦٠ پڕۆژەی گەورە و ناوڕاس ک ئەوەسا لە کوردستان جیوەجی کریەن.
لەلای خوەییش، بێگەرد تاڵەبانی خانمە وەزیر کشتوکاڵی لە حکومەت هەرێم کوردستان وت: لەی پڕۆژە گرنگە و ستراتیژیە، و پشت وە وەرگردن گەنم جفتیارەیل و فرووشتنی و مقیەتیکردن ئاسایش خوەراک و پاڵپشتی بەرهەم ناوخۆیی بەسێد.
