حکومەت هەرێم کوردستان یەکەمین دەروازەی ڤیزای ئەلیکترۆنی خەێدە کار
وەی بوونە، سەرۆک حکومەت هەرێم کوردستان لە وتاریگ وت: تەکنەلۆجیا و بەیاننامەیل تایبەت وەی خزمەتگوزاریە، ئەوەسا پیشکەشکردن خزمەتەیلیگ ئەلیکترۆنی زیاتر ئاسانەو کەێد، ک زەمینە ئەرا نووەکردن فڕۆکەخانەیلمان و مەرزیلمان سازێد، وەگەرد دەسمیەتیداین لە وازکردن ئاسوەیلیگ بازرگانی نوو وەرد هاوبەشەیل ناودەوڵەتی.
سەرۆک حکومەت هەرێم کوردستان وتیش: ڤیزای ئەلیکترۆنی یەکیگە لە بڕیگ خزمەتگوزاری ئی کابینەی وەزارەتیە، و خوازێد خزمەتگوزاری گشتی بەرزەو بکەێد، و کارەیل بازرگانی لە کوردستان قایمەو بکەێد، و دیاری کرد ک بەشیگ لەی خزمەتەیلە لە مانگەیل بانان ئاشکرا کریەن.
سەرۆک حکومەت هەرێم هەمیش دەسخوەشی لە وەزارەت ناوخۆ و فەرمانگەی تەکنەلۆجیای زانیاری کرد ئەرا داناین خزمەتگوزاری ئەلیکترۆنی لەناو کارە گرنگەیلی، و هەمیش پابەندیی وە بەرنامەی ئاڵشتبوین ئەلیکترۆنی.
ئەو دەروازەی ئەلیکترۆنی نووە (visit.gov.krd) ری ئەرا سەردانکەرەیل و بەرهەمهاورەیل واز کەێد تا لەبان ئەنتەرنێت (ڕۆن لاین) داوای ڤیزا بکەن، ک دەسمیەتی لە پاڵپشتیکردن گەشتوگوزاری و بەرهەمهاوردن بیگانە لەناو هەرێم کوردستان دەێد.
وەگەرد دەروازەی ڤیزای ئەلیکترۆنی، گەشە بڕیگ سیستەم ئەرا خاسەوکردن ئاسایش سنووری کریا.
