حکومەت هەرێم کوردستان جۊلە کەێد ئەرا زانستن ناسنامەی ئەو کووچبەرەیل خنکیایە
2021-11-25T12:34:45+00:00
شەفەق نیوز/ سەرۆک حکومەت هەرێم کوردستان، ئمڕوو پەنجشەممە، باس خەفەت قۊیلی ئەرا ئەو کەلەمە کرد ک دۊیەشەو لە ئاو هەرێمی ناوبەین فەرەنسا و بەریتانیا گیان ٢٧ کەس لە کووچبەرەیلە رفان.
بارزانی لەبان تویتەر نۊسان: دیارە بڕێ لە قوربانیەیلە کوردب، وتیش کار ئەرا زانستن ناسنامەیلیان کەیمن.
٢٧ کووچبەر لەلای کەمەو، دۊیەکە چوارشەممە، لە نوقم بۊن بەلەمیگ لە کەناڵ مانش گیانیان لەدەس دان، لە مەوقەی تەقەلای رەدبۊنیان وەرەو کناراوەیل بەریتانیا.
