حکومەت هەرێم دەسکەێدە گامەیلی ئەرا بیناکردن فڕۆکەخانەی ناودەڵەتی دهۆک
شەفەق نیوز/ مەسرور بارزانی سەرۆکی حکومەت هەرێم کوردستان، ئمڕوو سێشەممە، پڕۆژەی دروسکردن فڕۆکەخانەی ناودەڵەتی دهۆک کردە سەر.
سەرۆک حکومەت لە نزیکەو شۊن پڕۆژەگە نەخشەگەی و گامەیل جیوەجیکردنی کردە سەر، ک خوەی پڕۆژەی ستراتیژییە ئەوەسا گەشتکردن ئەرا خەڵک پارێزگای دهۆک ئاسانەو کەێد، و بوودە هەڵقەی گریەبەسی وەرد ئەو پارێزگایل هەرێم و عراق، ک پاڵپشتی گواستنەوەی بازرگانی لەناوبەین هەرێم کوردستان و دەیشت کەێد.
سەرۆک حکومەت لە وتاریگ لە مەوقەی سەردانەگە ەت: هاتیمنەسە سەردان فڕۆکەخانەی دهۆک لە سیمێل، و لە چەن کابینەیگ وەزارەتی وەرین بڕیار بۊی ئی فڕۆکەخانە دروس بکریەێد دۊیای ئەوە ک پۊیلەگەی تەرخان کریا، وەلێ وەداخەو لەوەر قەیرانە داراییەگە تەنیا کەمیگ لەلی جیوەجی کریا.
وتیش: سەردانەگەمان ئەرا دووارە نووڕستن ئی پڕۆژە تیەێد، و هەمیش ئەو گریەبەسیەیلە ک واژوو کریانە، تا بتۊنیمن دووارە کار بکەیمن و فڕۆکەخانەگە تەواو بکەینن، لەوەر ئەو گرنگیە ئەرا دهۆک و ناوچەیل دەورگردی.
مەسرور بارزانی وتیش؛ ئەوەسا دۊیای تۆژینەوەی خەسیگ لە باوەتی، ئامادەی پڕۆژەگە کەیمن، و لە نزیکترین وەخت خەیاڵی ناو کار.
هەمیش وت: خوازم خەوەردار گشت خەڵک کوردستان وە تایبەت خەڵک دهۆک بکەیمن، ک ئەوەسا دەسکەیمنە بیناکردن ئی فڕۆکەخانە، دۊیای تەواوبۊن نووڕستنە سەرتاییەیلە، و چەن راسەوکردنیگ، و هەنای پڕۆژەگە ئامادە بوود، مزگانی دووارە کارکردن لە جیوەجیکردنی وەی نزیکە دەیمن.
