تەندروسی کوردستان هووشداری لە دەرچگن بنچینەی نوویگ لە کۆڕۆنا دەێد
2020-12-21T09:52:24+00:00
شەفەق نیوز/ وەزارت تەندروسی لە هەرێم کوردستان، ئمڕوو دووشەممە، هووشیارییگ لە مەترسیەیل بنچینە نووەگەی ڤایڕۆس کۆڕۆنا دا، دویای ئەوەگ بەریتانیا چەن تووشهاتنیگ لە رووژەیل گوزەیشتە تۆمار کرد.
وەزارەتەگە ئاگاداری داگە وەڕێۆبەرایەتیەگانی، و ئاژانس شەفەق نیوز چەودیریی کرد، ئەرا ئامادەبوین لە دەرچگن ڤایڕۆس نوویگ لە کۆڕۆنا وەو جوورەگ لە بەشیگ لە دەوڵەتەگان دەرچگ، و داوای مقەیەتی و هووشیاری و چەودیری لە گشت گەشتیارەگان کرد ک لە بەریتانیا هاتتەسەو لەڕی فڕۆکەخانەگان یا مەرزە سنووریەگان و تۆمارکردنیان و چەودیریکردن لە رەوش تەندروسییان، و ئەنجامدان تاقیکردنەوەگان و بایەدە فەرمانگە تەندروسیەگان وەگەردیان لە پیوەندی بوون.
پسپۆڕەیلیگ وتن ک بنچینە نووەگە لە ڤایڕۆس کۆڕۆنای نووەوەبوی سارس کۆڤ ٢ ریاکرەیلیگ سەختتر خوازێد ئەرا نواگردن لە بڵاوبوینی.
