تەندروسی هەولێر رێنمایی مقیەتیکردن لە هەوکردن جگەر ڤایرۆس جویر B بڵاوکرد
2024-07-29T09:42:37+00:00
شەفەق نیوز/ هەوکردن جگەر ڤایرۆسی لە جویر B بیماریگ رخبەره و هەوەجە کەێد وە زویترین وەخت کەسە تویش بویەگە چارەسەر وەربگرێد.
تەندروستیی هەولێر چەن رێنماییگ خۆپارێزی بڵاوکردیە کە ئیانە گرێدەخوەی:
وەرگردن پێکوتە، دڵنیابوین لەسەرچەوەی خوین، دویرەوکەفتن لە کردەی فرە سێکسی، چەودێری داڵگ لە وەخت دووگیانی ئەگەر داڵگەگە تویشبوی بوی.
لەباوەت ریگەیل گواستنەوەی دیاریکد، گواستنەوەی خوین و پێکهاتەیل خوین و دەرزی و کەلوپەل نەشتەرگەری پیسبوی هووکار گواستنەوەی بیماریەگەن.
لەباوەت نیشانەیلی ئوشێد "نیشانەیل هەوکردن ڤایرۆس جگەر بریتییە لە:
بەرزەوبوین پلەی گەرمی لەش و ئارەقکردن و بیهێزی و کەمەوبوین توانای خواردن، و دڵقەڵبەوبووین و ئەڵاوردن و ژان لەبەش بان لای راست زگ، ژان سوخان و ماسیڵچە و ئاڵشتبوین رەنگ میز ئەرا تۆخ.
