تەقەلایگ بی گەرەنتی.. خوەیوەخشەیلیگ ژیان ئەرا ماسیەیل بەنداو ئەڵوەن گلەو دەن
2023-09-23T11:02:40+00:00
شەفەق نیوز/ دوو گەنج لە قەزای خانەقین، ئمڕوو شەممە، دەسکردنە هەڵمەتیگ ئەرا زنیکردن سامان ماسی لە بەنداو ئەڵوەن لە دەورگرد قەزاگە.
ئەو دوو گەنجە ئەرا ئاژانس شەفەق نیوز وتن: زیاتر لە ٢٣٠٠ خولگەماسی خستنەسە ناو بەنداو ئەڵوەن، تا ماسی لە خانەقین زیایەو بوود، و بەنداوەگە بوودە شوین رویکردن مەردم وەگەرد ئەو سوودەیل ئابووری.
هەرلیوا، پسپۆڕەیلیگ لە خانەقین وتن: ئەو هەڵمەتە خوەیوەخشیە، هەرچەن ریگری و رەوشەیل چەوڕەینەکریاگ لە بانان هەس لە روی سەرکەفتن هەڵمەتەگە.
لەلای خوەییش، ئەحمەد وەسین وەڕیەوبەر بەنداو ئەڵوەن ئەرا ئاژانس شەفەق نیوز وت: ئی هەڵمەتە جی پیشوازیکردن گەورەیگە، باوجی بەنداوەگە هن حکومەتە، و چەوری نەکریایە لەبانان ری وە راوماسی بیریەێد.
وەسین وتیش: فەرمان قەیەغەکردن راوماسی وە کارەبا و بومب لە گشت شوینەیل راو هەس، لە خود وەختەگە ئافەرین لەی هەڵمەت گەنجانە کرد.
