باقری لە بەغدادەو رەسێدە هەولێر
پەیامنێر ئاژانس شەفەق نیوز وت: ڕێبەر ئەحمەد وەزیر ناوخزەی هەرێم، و فەوزی حەریری سەرۆک دیوان سەرۆکایەتی هەرێم کوردستان و سەفین دزەیی وەرپرس فەرمانگەی پەیوەندییەیل دەرەکی، و ئومێد خۆشناو پارێزگار هەولێر، پیشوازی لە باقری کنی و شاند یاوەری لە فرۆکەخانەی ناودەوڵەتی هەولێر کردن.
بڕیارە وەزیر دەیشت ئیران وەگەرد مەسعود بارزانی سەرۆک پارت دیموکرات کوردستان، و نێچیروان بارزانی سەرۆک هەرێم کوردستان، و مەسروور بارزانی سەرۆک وەزیرەیل هەرێم کوردستان گردەو بوود.
پەیامنێر ئاژانسمان وتیش: باقری ئەوەشت وەگەرد وەرپرسەیل کوردستان باس پەیوەندییەیل دووانی و شیوەیل قایمکردنیان کەێد، وەگەرد باسکردن لە لایەن بازرگانی و ئابووری و کار ئەرا گەشەپیدانی، وەو شیوە کە خزمەت هەرێم کوردستان و ئیران بکەێد.
پەیامنێر ئاژانسمان وتیش: وەزیر دەیشت ئیران وەجیگری سوو روس وەرەو شار سلێمانی کورد تا چەوی بکەفێدە بافڵ تاڵەبانی سەرۆک یەکێتی نیشتمانی کوردستان.
شەوەکی ئمڕوو پەنجشەممە، باقری کنی رەسیە بەغدای پایتەخت، و چەوی کەفتە فوئاد حسێن هاوتەریبی و هەمیش چەوی کەفتە عەبدولەتیف رەشید سەرۆک کۆمار، و محمد شیاع سودانی سەرۆک وەزیرەیل، و موحسن مەندەلاوی سەرۆک پەرلەمان وەجیگری، وەگەرد بڕیگ لە سەرکردەیل سیاسی و وەرپرسەیل عراق.
