بارزانی له بروسكه‌ێ پیروزباییگ ئه‌ڕا یه‌كیه‌تی : ده‌رفه‌ت بێ وێنه‌ێگ هاله‌وه‌رده‌ممان
2015-05-31T14:18:07+00:00
له نامه‌گه‌ێ سه‌روك بارزانی ك كوپیێگێ ئه‌ڕا شه‌فه‌ق نیوز كل كریاگه هاتگه : له وه‌ختێگ یاد دامه‌زرانن یه‌كیه‌تی نیشتمانی ئه‌كه‌یم ك هه‌ڕه‌شه و مه‌ترسیه‌یل گه‌پێگ ڕوێ وه ڕوێ ملله‌ت كورد بوێه و له بان یه‌یش جه‌خت كردگه ك ده‌رفه‌ت بێ وێنه‌ێگ هاله وه‌رده‌م پیشكه‌فتن كێشه‌ێ ڕه‌واێ ملله‌ت كوردستان.
بارزانی یه‌یش خستگه‌سه ڕوێ ك خاسترین شێواز ئه‌ڕا وسیان له وه‌راوه‌ر هه‌ڕه‌شه و مه‌ترسیه‌گان ئه‌وه‌سه ك یه‌كیه‌تی ڕزه‌یل و برایه‌تی له ناونی لاێه‌نه سیاسیه‌گان بته‌وه‌و بكه‌یم.
سه‌روك هه‌ریم كوردستان زیاتر وتگه : مێژوو جمشت ئازادیخوازانه‌ێ ملله‌ت كوردستان ، وه‌ئه‌زمون نیشانمان داس ك ته‌نیا وه‌یه‌كخستن ڕزه‌یل ئه‌توێه‌نیم ده‌سكه‌فته‌یل گه‌پ ملله‌ت كوردستان زامن بكه‌یم و له بان یه‌یش جه‌خت كردگه هه‌میشه دوژمنه‌یل ملله‌ت كورد له ناكوكی و دو به‌ره‌كی له ناو جمشت ئازادیخوازانه‌ێ كوردستانی ئستفاده كردنه.
سه‌روك بارزانی له به‌شێگتر نامه‌گه‌ێ ئاره‌زوی ته‌ندروستی و ته‌مه‌ن درێژى ئه‌را ئه‌میندار گشتی یه‌كیه‌تی نیشتمانی كوردستان مام جه‌لال و سه‌ركه‌فتن ئه‌ڕا سه‌رجه‌م ئه‌ندامه‌یل و كادره‌یل و لاێه‌نگره‌یل یه‌كیه‌تی نیشتمانی كوردستان كردگه.
یه‌كیه‌تی نیشتمانی كوردستان ساڵانه له یه‌ك حوزه‌یران یاد دامه‌زرانن خوه‌ێ ئاهه‌نگ وه‌رپا ئه‌كا.
ج ك
