بارزانى داواى قه‌ره‌بووكردن كه‌سوكار ئه‌نفال و بۆردومانه كيمياويه‌گه له ده‌وڵه‌ت عراقى ئه‌كا
2020-03-16T09:28:56+00:00
شه‌فه‌ق نيوز/ مه‌سعود بارزانى سه‌رۆك پارت ديموكرات كوردستان، داوا له ده‌وڵه‌ت عراقى كرد قه‌ره‌بوو كه‌سوكار ئه‌و هه‌ڵمه‌ته‌يل ئه‌نفال و له‌ناوبردن وه‌جه‌م و بۆردومان كيمياويه بكا ك تويش ملله‌ت كوردستان هات وه‌ده‌س رژيم وه‌رين.
بارزانى له تويته‌ر وت: ئمڕوو ئيمه 32ه‌مين ساڵياد بۆردومانه كيمياويه‌گه‌ى هه‌ڵه‌بجه ئه‌كه‌يم ك دريژده‌ر بوێ ئه‌را زنجيره كاره‌ساتيگ تر دژ ملله‌ت كوردستان و بايه‌سه له‌بان حكومه‌ت عراقى قه‌ره‌بوو كه‌سوكار ئه‌نفال و له‌ناوبردن وه‌جه‌م و په‌لاماره‌يل كيمياوى بكا.
جى باسه، بارزانى هه‌ميش وت: وه‌بوونه‌ى قوربانيدان و مه‌زڵوميه‌ت هه‌ڵه‌بجه‌ى شه‌هيده‌وه، جه‌هان زياتر له ژان و ئازاره‌يل ملله‌ت كوردستان ره‌سيه‌و.
