بارزانی لە پیروزبایی جەژن: بوونه‌یگە خۆشەویستی ناونی پێکهاتەیل کوردستان قوویلەو کەێد
شەفەق نیوز/ نێچیرڤان بارزانی سەرۆک هەرێم کوردستان ئمڕوو پەنجشەممە، لە ئاڕاستەکردن پەیامیگ وەبوونه‌ی جەژن قوربان، بانگەوازکرد جەژنەگە بکریەێدە دەرفەتیگ ئەرا قوویلکردن هەست خوەشبوین و خوەشه‌ویستی و پیکەوەژیان ناونی پێکهاتە ئاینی و نەتەوەییەگان لە کوردستان.
لە پەیامەگەی بارزانی ک رەسیە ئاژانس شەفەق نیوز وت: گەرمترین پیروزبایی پێشکەشکەێدە خیزان و خاوەن شەهیدە سەربەرزەگان و پێشمەرگە پاڵه‌وانەگان، و گشت موسڵمانەیل کوردستان و عراق وجهان، وهەمیش هێزەیل ناوخۆ و پزشکەیل و کادرە تەندروسیەگان و دامەزراوە پەیوەندیدارەگان وە مقەیەتی گیان هاووڵاتیەیل و نواگردن پەتای ڤایڕۆس کۆرۆنا لە هەرێم کوردستان، وەبوونه‌ی جەژن قوربان پیروز.
بارزانی وتیش: ئومیدخوازم ئی جەژنە بکریەێدە دەرفەتیگ ئەرا قوولەوکردنیگ زیاتر لە هەست خوەشبوین و خوەشەویستی و پێکەوەژیان ناونی پێکهاتە ئاینی و نەتەوەییەگان لە کوردستان، و گشت هەوڵەگانمان ئەنجام بیریەێد ئەرا لاوردن ناکۆکیەگان و سەرکەفتن یەکجاری.
سەرۆک هەرێم دڵنیای کوردستانیەگان کرد ک خوەمان وەردەوامیمن لەی ریە، و بایەسە لە گشت لایەنەگان توانامان گردەو بکەیمن و وەیەکەو کار بکەیمن ئەرا چارەسەرکردنیگ و وەپشتسەرنان قەیران و گرفتەگان ودابینکردن ماف و شایستە دەستوریەگان و مقەیەتی ئەرزش وپێکهاتەی هەرێم کوردستان.
بارزانی هەمیش وت: وە چەو رێزگردن و سوپاسی نووڕمە خۆڕاگری و سەبر کوردستانیەگان لە روی قەیران و سەختیەگان لە پەتای ڤایڕۆس کۆرۆنا و کاریگەریە ئابووریەگانی.
وباس لە ئومید خوەی کرد ک لە جەژنەیل ئایندە وە خوەشی و ئارامی ئاهەنگ بکەیمن، وه رەد سەختیەگان کردویمن و ئاسۆیگ رووشنا لە روی کوردستانیەگان بکریەێدەو، و هەمیش داوا لە گشت کەم ریکارە تەندروسی و مقەیەتیەگان وەکار بارن.
