بارزانی باس دڵخوەشی خوەی وە ئامادەبوینی لە کردنەوەی ئۆڵۆمپیاد پاریس کەێد: ئیلهامبەخشی ئی ئۆڵۆمپیادە جەهان گردەو کەێد
بارزانی لە تویتیگ لە ماڵپەڕ ئێکس، کە ئاژانس شەفەق نیوز لەلی ئاگادارە وت: “دڵخوەشم وە دیدار سەرۆک ئیمانوێل ماکرۆن و خانم یەکەم بریجیت ماکرۆن، و بەشدارییم لە مەراسیم کردنەوەی ئۆڵۆمپیاد پاریس”.
وتیش: بازیەیل نمایشیگ نایابی یەکێتی جەهانییە و پاریس جاریگ ترەک روح ئیلهامبەخش خوەی لە گردەوکردن جەهان نیشانداگە.
نێچیروان بارزانی، سەرۆک هەرێمی کوردستان بەشداری لە مەراسیم کردنەوەی بازیەیل ئۆڵۆمپیاد پاریس ئەرا ساڵ ٢٠٢٤ کرد، جویر یەکیگ لە کەسایەتییە دیارەیل و تاکە سەرکردەی هەرێمی لەی رویداو جەهانییە.
ئی بەشدارییە نوێنەرایەتی بڕگەیگ گرنگ کەێد لە پەیوەندییە ناودەوڵەتییەیل و رووشنایی خەێدە بان هەرێم کوردستان لە گۆڕەپان جەهانی، و ڕەنگدانەوەی ڕۆڵ سەرۆک نێچیروان بارزانی جویر سەرکردەیگ هەرێمی و لایەنیگ کارا و کاریگەرە لە گۆڕەپان ناودەوڵەتی.
بویین نێچیروان بارزانی، گوزارش لە پەیوەندییە قایمەیل ناوەین هەرێم کوردستان و فەرەنسا کەێدر کە جویر یەکیگ لەو وڵاتەیلە پاڵپشتی کوردستان کەن لە بوارە جیاجیایل، بەشداری بارزانی جویر دەرفەتیگ ئەرا پتەوکردی ئەو پەیوەندییەیلە دوینێد.
و هەڵسوبنیش وەرد سەرکردە جەهانییەیل ری وە بارزانی دەێد دەرەیل ئەرا هاوکاری و بەرهەمهاوردن زیاتر لە هەرێم واز بکەێد، کە بەشداریکردن لە رویداویگ گەورەی جەهانی جویر ئۆڵۆمپیاد وینەی هەرێم کوردستان لە ئاست ناودەوڵەتی بەرزەو کەێد و توانای خوەی نیشان دەێد ئەرا ئەوەگ ڕۆڵیک کاریگەر بگڕێد لە رویداوە گەورە جەهانییەیل.
