بەغداد راگەینێد دەسگیرکردن مووشەک وەشنەیل لەبان هەولێر
شەفەق نیوز/ تەحسین خەفاجی قسەکەر وەناو ئۆپراسیۆنە هاوبەشەگان لە عراق، ئمڕوو پەنجشەممە، وت: تاوانبارەیل پەلامارەگە لەبان فڕۆکەخانەی هەولێر و وەئامانجکەرەیل شاندە دبلۆماسیەگان لە بەغداد گریان.
خەفاجی وتیش: دەسگیر ئەو کەسەیلە کریا ک دەسیان هاناو ئامانجکردن شاندە دبلۆماسیەگان لەبەغداد، وهەمیش تاوانبارەیل پەلامارەگە لەبان فڕۆکەخانەی هەولێر، و وەگورەی زانیاریەگانمان لێکۆڵینەوە وەگەردیان وەردەوامە..وتیش نەبایەد ووردەکاریەگان لەو کەسەیلەگ گریانە ئاشکرا بکەیمن، بەڵکم ئەوەسا ئاشکرای ئەو لایەنەیلە کریەێد ک هانە پشت ئی پەلامارەیلە لەدویای تەوابوین لێکۆڵینەوەگان.
هەمیش وت: ئامادەیمن ئەرا هێز وەکارهاوردن دژوە هەر کەسیگ شاندە دبلۆماسیەگان کەێدە ئامانج،وەگورەی «سکای نیوز عەرەبیە».
خەفاجی لە کۆتایی قسەگانی وت: ئیمە لە سەرکردە، کار وتەقەلایل هەواڵگری گرنگ کەیمن دژوە هەرکەسیگ تاوان ریخریاگ وەجی تیرێد، ئەرکەگەمان مقەیەتی وڵاتەگەس و دابینکردن ئاسایش وئارامی ئەرا گەل عراق و شانەدە دبلۆماسیەگان.
