بەرزەوبۊین وەرچەویگ.. لە هەرێم کوردستان دەیان تۊیشبۊی  ئاێدز توومارکریایە

شەفەق نیوز/ وەزیر تەندروسی لە هەرێم کوردستان سامان بەرزەنجی، ئمروو چوارشەممە، راگەیان دەیان تۊیشبۊی وە بیماری کەمی وەرگیری " ئاێدز" لەماوەی ساڵ 2021 لە بەرزەوبۊین وەرچەویگ وەچەو ساڵەیل وەرین توومارکریایە.    

لە کۆنگرەی رووژنامەوانیەیگ ک وەزیر لەماوەی مەراسیم راگەیانن لە هەڵمەت وەشکین ئاێدز وە بۊنەی رووژ جەهانی بیماری کوشندەیە  باسکریایە.    

بەرزنجی لە کۆنگرەگە ک ئاژانس شەفەق نیوز ئامادەی بۊی وت: ئمساڵ 318 وەشکین ئاێدز ئەنجام دریایە، 69 تۊشهاتن توومارکریایە ک 58 کەس بیانیین ، و 11 کەس عەراقین و خەڵک هەرم کوردستانن.  وتیش؛ 48 تۊیشبۊین ئاێدز  ساڵەیل گوزەشتە دێرن، ک لە ئیسە فایل لە وەڕێوبەرایەتی تەندروسی ئەرایان وازکریایە.       

وەزیر جەختکرد لە کار کردن ئەرا نواگیری  لە بڵاوبۊین ڤایرۆسەگە، وەشکین ئەنجام بدرێد ئەرا ئەو کەسەیلە لە چێشتخانە و قاوەخانە و هۆتیلەگان کارکەن، ئمروو ئێ وەشکینە وە خۆرایی ئەنجام دریەێد لە ماوەی ئێ هەڵمەتە لە  بازار.    

بەرزەنجی باسکرد لە گەپترین ترسەیل ئێ بیماریە ک شایەت کەسە هەڵگر ڤاێرۆسەگە نەزانێد وە خوەی هەڵگرە  هەس وە نیشانەیلی نەکەێد ئەرا ماوەی چەن سالێگ و بەردەوام بوود لە زنەیی ئاسایی خوەی و مەردم تۊیش بارێد.