ئاسایش سلێمانی دوو کەس وە توومەت نوشتە و جادو دەسگیرکەێد
2023-10-28T13:57:40+00:00
شەفەق نیوز/ وەڕیوبەرایەتی ئاسایش لە هەرێم کوردستان، ئمڕوو شەممە، خەوەردا لە دەسگیرکردن دوو کەس وە توومەت کارەیل جادوگەری و نووشتە لە پارێزگای هەڵەبجە و قەزای بازیان سەر وە پارێزگای سلێمانی.
وەڕیوەبەرایەتیەگە لە بەیاننامەیگ رەسیە ئاژانس شەفەق نیوز وت، هێزەیل ئەمنی دوو توومەتبار دەسگیرکردنە لە هەڵەبجە و قەزای بازیان تەقەڵای خەڵەتانن هاوڵاتیەیل دانە وە کارەیل (جادوگەری و نوشتە) و هووکار تێکداین خێزان و پەیوەنیەیل کۆمەڵایەتی بوینە.
وەپای بەیانامەگە مەوقەی دەسگیرکردن توومەتبار دەسنریاس وەبان چەک بی مووڵەت و بڕیگ پێداویستی و کوتە پرتاڵ کە دوو تاوانبارەگە لە کارەیل جادوبازیان وەکاری هاوردنە .
لە بەیاننامەگە وتیش، وە وەختیگ پەیمانی توەنستنە هەردگ توومەتبار وەپای مادەی 240 لە یاسای سزادان دەسگیر بکەن و لێکۆڵینەوە لە دۆسیەگەیان کریەێد.
