ئاڵشتبوین گەپیگ لە کەشوهەوا روی دەێد

شەفەق نیوز/ شارەزایگ مژار کەشناسی، ئمڕوو جومعە، راگەیان لە رووژەیل ئایندە ناجیگیری لە بەرز و نزمبوین پلەیل گەرمی وەردەوام بوود.  

شارەزای مژار کەشناسی، ئاراس جەبار ئمڕوو لە لە پۆستیگ لەبان تووڕ کۆمەڵایەتی راگەیان، سوو شەممە ئاسمان هەرێم کوردستان رووشنە، کاریگەری بارستە وای هونکیگ ک هالەبان ناوچەگە کەمەو بوود، پلەی گەرمی دوو پلە بەرزەو بوود وە بەراورد وە ئمڕوو، ک لە سەنتەر و پارێزگایەیل وەی جویرەن:  

هه‌ولێر 38 وه‌ 25 پله‌، سلێمانى 37 وه‌ 23 پله‌، دهۆك 38 وه‌ 24 پله‌، هه‌ڵه‌بجه‌ 38 وه‌ 24 پله‌، كه‌ركووك 40 وه‌ 26 پله‌، سۆران 36 وه‌ 21 پله‌، گه‌رمیان 42 وە 26 پله‌، ڕاپه‌ڕین 37 وه‌ 22 پله‌.  باس لەوەیش کرد،  خێرای وا ئاساییەو بوود، لە ئاراستەی باشوور خوەرئاوا وە خێرایی 10 تا 20 کیلۆمەتر لە ساعاتیگ بوود.  

ئاراس دیاری ئەوەیش کرد، لە رووژ یەکشەممە کاریگەری بارستە وای گەرم کەمیگ لە باکوور ئەفریقاوە کار کەێدە بان کەشوهەوای ناوچەگە، پلەی گەرمی دوو پلە بەرزەو بوود، باوجی کاریگەریەگەی وەختیە، چونکە لە رووژ دووشەممە تا پەنجشەممە هەرێم کەفێدە وەر کاریگەری بارستە وای هونکیگ و پلەیل گەرمی جاریگتر داوەزێد.