ئاگر پەرویزخان زەرەدەیل فرەیگ لەلی کەفێدەو
2024-08-27T06:31:48+00:00
شەفەق نیوز/ ئیدارەی گەرمیان لە هەرێم کوردستان، ئمڕوو سێشەممە، دویاترین ئامار زەرەدەیل ئەو ئاگرە ئاشکرا کرد کە دویەشەو لەناو بڕیگ ماشین بارهەڵگر هیز گرد لە مەرز سنووری ناودەوڵەتی پەرویزخان.
لە بەیاننامەی کوڵیگ رەسیە ئاژانس شەفەق نیوز وت: دویاترین ئامار ئاگرەگە دویای کپەوکردنی وەتەواوی لەلایەن تیمەیل وەرگری شارستانیر رەسیە سزیان ١٥ ماشین یارهەڵگر و کوشیان کەسیگ و زەخمداری ١٧ کەس ترەک.
ئیدارەی گەرمیان وایش: زەخمدارەیل ١٢ هاوڵاتیە، و سێ ئەندام ئاسایش و یەک ئەندام وەرگری شارستانی، و یەک ئەندام تەندروسی.
پەیامنێر ئاژانس شەفەق نیوز وت: زەخمدارەیل ئەرا خەسەخانەی شەهید هەژار لە قەزای کەلار بریان، و فرەیان چارەسەری برد و خاسە، و بەشیگیان لە خەسەخانە دەرچگ.
وەگورەی پەیامنێرمان، ئەو رانندە کە گیانی لەدەسدا خەڵک ناحیەی شیخانە لە گەرمیان.
