ئاسايش هه‌ولێر ئاشكراى قورتاركردن رفياگيگ هندى و ده‌سگيركردن بڕفنه‌يليشى كرد
2019-06-02T20:54:53+00:00
شه‌فه‌قن نيوز/ وه‌ڕيه‌وبه‌رايه‌تى ئاسايش هه‌ولێر له هه‌رێم كوردستان، ئاشكراى قورتاركردن رفياگيگ و ده‌سگيركردن بڕفه‌نه‌يليشى كرد.
وه‌ڕيه‌وبه‌رايه‌تيه‌گه له به‌ياننامه‌يگ ئه‌را شه‌فه‌ق نيوز وت: دويه‌شه‌و سه‌عات 11و نيم تاوانباره‌يليگ وه ناوه‌يل(رێباز قادر ساڵح و عه‌بدولستار قادر ساڵح و ئه‌ژين مسته‌فا)له شاروچكه‌ى عه‌ينكاوا هاووڵاتييگ هندى وه‌ناو(نه‌سارا ئه‌حمد غه‌فور شه‌ريف)رفاننه‌و يه‌كيگ له برايه‌يل(رێباز و عه‌بدولستار)ئاگادار بويه له‌و كاره‌و چه‌وديرێ كرده‌وه‌گه كردگه.
به‌ياننامه‌گه هه‌ميش وت: وه‌گووره‌ى دگان وه‌پياناين تومه‌تباره‌يل, تومه‌تباره‌يل وێنه‌ى ئه‌و كرده‌وه‌ى رفاننه وه ڤيديۆ گرتنه‌و گرته ڤيديۆگه كلكردنه ئه‌را براى رفياگه‌گه و داواى فديه وه بڕ 100 هه‌زار دۆلار ئه‌مريكى له‌لى كردنه وه‌رانوه‌ر ئازادكردنى.
